هاد الصباح الممثلة البلجيكية المغربية لبنى ازابال حطات فيديو كتعتذر من البوسة “بوش ا بوش” لي دارت مع نسرين الراضي ولي نوضات عليهم النحل. وقالت “مابغيتش نجرح ولاونشوكي المغاربة في شهر رمضان، البوسة كانت عفوية بحالا كنبوس ختي ومافيها والو. ونسرين معليها والو، حيت أنا فاجأتها بالبوسة في الفم”. فيديو الاعتذار حطاتو نسرين في صفحتها في انستكَرام فيه دقيقة، عبرات فيها على الاعتذار ديالها. القضية تفجرات البارح وكبرات، حيت كاين لي اعتبر أنهم أساءوا للمغرب بهاد البوسان في الفم، وكاين لي قال باغين يديرو البوز وهادشي اصلا مقادو نبيل عيوش حيت كعادتو كيبغي يصدم ويشوكي باش الناس تهدر على افلامو ودير البوليميك، وعدد قليل جاوه عاديين وحقهم هداك وحريتهم. للتذكير، نسرين ولبنى مشاركين في بطولة فيلم "آدم" ديال مريم التوزاني، مرات المخرج نبيل عيوش لي ناتج الفيام. View this post on Instagram A post shared by Nisrin Erradi (@nisrin_erradi) on May 22, 2019 at 3:13am PDT
