عنداك غير الاستقلاليين يدافعو على هاد الفضيحة. المعلم اللي انتاحل صفة صحافي لمصر ما عندوش رخصة للسفر. مصدر رسمي ل”كود”: ما خبرناش فاش مشى ودابا غاديين نطبقو القانون فحالتو

تطورات مثيرة عرفتها فضيحة داك الأستاذ اللّي نوّض قربالة كبيرة فالقاهرة وتحول من منتحل صحفة صحفي إلى “بُوكْسُورْ”. مصدر رسمي أكد ل”كود” أن البحث الإداري الذي باشرته الأكاديمية الجهوية للتربية والتكون لجهة الرباط سلا القنيطرة لمعرفة كيفاش مشا هذا الأخير للكان بينات أن السيد غادي بلا اخبار شي حد.
وقال المصدر الرسمي ل”كود”، أن المديرية الإقليمية في مدينة سلا لم ترخص بشكل مطلق لهذا الأستاذ قصد مغادرته التراب الوطني من أجل حضور منافسات كأس إفريقيا 2019، مؤكدا في الوقت نفسه أنه المديرية بصدد تنزيل العقوبات الجاري بها العمل في حق الأستاذ المخالف.
دبا الأكاديمية دارت الخدمة ديالها والمديرية غادي تصدر قريب العقوبة المناسبة فحق هاد الأستاذ اللّي خاصها تكن مشددة باش يبقى عبرة لناس آخرين. لكن عنداك غير عاود يوقع شي ضغط من قبل نقابة الاستقلال التي ينتمي إليها هاد الأستاذ باش متكونش فحقو شي عقوبة زجرية. دبا غادي نشوفو شنو غادي يديرو الاستقلاليين صحابو اللي كيناديو بالحكامة.
يشار إلى أن هاد الأستاذ مشا لمصر واسمح فالامتحانات ديال السادس ابتدائي وهرب من الحراسة والتصحيح. هاد السيد كانت كشفت مصادر “كود” أن هادي 3 سنوات كان عندو تفرغ وجابو من الجامعة الحرة للتعليم التابعة للذارع النقابي لحزب الاستقلال، وكان مدعم من قبل داك الاستقلالي عبد القادر الكيحل.