3 ديال المليون من عند لقجع للاعبات المنتخب بعد برونزية الألعاب الإفريقية

كل لاعبة خدات 3 ديال المليون سنتيم بعدما فاز المنتخب الوطني النسوي أقل من 20 سنة بالميدالية البرونزية في الألعاب الإفريقية.
البنات فرحوا بزاف ملي استقبلهم لقجع وعطاهم الشيك ديالهم في حفل أقيم بمقر الجامعة في الرباط لبارح الثلاثاء.
هادي غير البداية مازال لاعبات المنتخب كاتساينهم منح أخرى إلا حققوا المبتغى في الماتشات جاية.
حفل الاستقبال على شرف المنتخب النسوي حضره فوزي لقجع رئيس الجامعة ونائب ديالو حمزة حجوي والمدرب لمياء بومهدي وباقي الأطر التقنية.
لقجع في الكلمة ديالو عبر عن فرحته بهاد الباركور ديال المنتخب النسوي، خصوصا بعدما فاز على منتخبات قوية، وواعد هاد البنات باش يوفر لهم كل الظروف باش يلعبو الكرة في أجواء مناسبة
روبيرت اوشن، المدرب التقني للحامعة، لي كان حاضر حتى هو، عبر عن إعجالو بمستوى اللاعبات، مشيرا إلى أن الإدارة التقنية غادي تساعدهم باش يطورو مستواهم اكثر العام جاي
اما انباء بومهدي، مدربة منتخب النسوي، فأكدت ارتياحها بالتتويج بالبرونزية واخا صعوبة المنافسة مع منتخبات قوية. وطالبت بالاهتمام اكثر بكرة القدم النسوية