ها اللي خلى جاريد كوشنير مستشار ترامب يهبال على المغرب. دارو ليه هيلولة باسمو فالصويرة

باش زار جاريد كوشنير اقوى مستشار للرئيس الامريكي دونالد ترامب ونسيبو مشى للمقبرة يترحم على الحاخام حاييم بينتو مع ولدو اللي عايش نيويويورك واللي حتى هو حاخام. قال فالمقبرة باللي هادي لحظة كان كيتسناها فحياتو.
الخميس اللي فات كانت هيلولة لهاداك الحاخام بينتو فالصويرة. تزامنات مع احتفال احد لملايرية الميريكانيين بعيد ميلادو فالمامونية فمراكش وحضرو ليه شخصيات عالمية بحال الرئيس الامريكي الاسبق بيل كلينتون.
المغرب اهتم بهاد الحدث ولاماب دارت ليه قصاصة طويلة فيها ان “المئات من أفراد الطائفة اليهودية المغربية، القادمين من مختلف أنحاء العالم” احتافلو “بهيلولة الحاخام حاييم بينتو، وذلك في جو من الانخراط والخشوع. ويعد هذا الاحتفال فرصة أمام أفراد الطائفة المقيمين في مختلف بقاع العالم، لتجديد الروابط مع الوطن الأم المغرب، ملاذ السلام وأرض التسامح والتعايش السلمي والانفتاح”.
العامل ديال المدينة والسلطات والمنتخبين حضرو وهادا عطاه طابع رسمي. طبعا اليهود دعاو مع الملك والمغرب.
ولدو الحاخام دافيد بينتو هدر على هاد الموعد السنوي وقال “المغرب مسقط رأسنا. إنه بلد نحبه ونعتز به كثيرا. أنا سعيد للغاية وفخور جدا بأن أتواجد مرة أخرى خلال هذه السنة في الصويرة، وللترحيب الحار الذي خصص لنا هنا”، مضيفا أنه عندما سيتتبع ملايين الأشخاص هذا الاحتفال، سيدركون ما يحدث في المغرب، أرض السلام والتعايش والتسامح والانفتاح”.
المغرب دار الديبلوماسية وهو ساكت. دار الديبلوماسية بالتاريخ. تاريخ التعايس بين المسلمين واليهود فهاد البلاد.