خاص. عقيقة الكوهن جمعات الامير هشام بالرئيس المدير العام ل”المدى” ومسؤول الشركة التذلاوي

علمت “كود” ان عقيقة لولد الكوهن فالرباط مؤخرا جمعات اللي ما يتجمع. الكوهن اللي ولد هو اللي كان مع محمد السادس فبداية الحكم قبل ما يبعدو. حضر لهاد العقيقة الامير هشام. عائلة الكوهن خدمات مع باه ومعاه.
فنفس الطابلة اللي كان گالس فيها الامير كان حسن الورياغلي الرئيس المدير العام ل”المدى” =الهولدينگ الملكي= وكذلك عبد المجيد التزلاوي عضو مجلس ادارة نفس المجموعة ورئيس “اونابار” وشي تخربيق اخر وكيقدم راسو ديما لكاع اللي تلاقاه باللي هو رجل ثقة منير الماجيدي مدير الكتابة الخاصة للملك.
حضر لهاد العقيقة كذلك حسن البرنوصي اللي كان مكلف بالاستثمارات الخارجية باش يالله بدا محمد السادس الحكم وحتى هو تم ابعادو.
فالمناسبات العائلية كلشي كيتقلب. تقدر تلقى راسك فشي طابلة مع وحدين ما يخطرش ليك على البال. هاد الشي وقع فهاد العقيقة.