خاليلوزيتش محا كلشي. تلاقا عموتة واللعابة قبل ماتش الجزائر.. دابا 0ش غايگولوا السماسرية

وحيد خاليلوزيتش، الناخب الوطني بين على حسن نيته ومشى عند اللعابة ديال المنتخب المحلي قبل ماتش الجزائر اليوم السبت بالملعب البلدي في بركان ف الثمنية ديال العشية، برسم إياب الدور الحاسم من الإقصائيات المؤهلة إلى نهائيات كأس أمم إفريقيا للأمم 2020.
بعد الضجة لي ناضت عليه من طرف بعض السماسرية وأشباه المحللين الرباضيين، قرر خاليلوزيتش يزور اللعابة ديال المنتخب المحلي قبل الماتش، وتلاقا الحسين عموتة وتكلم معاه، ومع وليد الكرتي وبعض اللعابة ال0خرين وشجعهم على الفوز. هاد الخطوة ما كايديىها إلا مدرب محترف ومهني وعارف 0ش كايدير.
هاد الزيارة كان الهدف منها يمحي كل الاتهامات ويبرأ نفسو منها، ويبين الغرض منها، ما شي التنقيص من لاعبي البطولة، ولكن الغرض منها يحفزهم باش يحسن من الفيزيك ديالهم.
لكن للاسف أن بعض السماسرية حاولوا الاصطياد في الماء العكر، وخلقوا “لازيزاني” لفرض في نفس يعقوب.
دابا 0ش غادي يگولو سماسرية بعد هاد الزيارة، لي بين فيها المدرب وحيد خاليلوزيتش أنه دائما وراء اللاعب المحلي، ولو كان العكس، لما استدعى أزيد من 14 لاعب منذ تعيينه ناخبا وطنيا في 16 غشت الماضي.
السؤال المطروح علاش هاد الضجة ما دارتش على هيرفي رونار منين كان مدرب للمنتخب، ماكانش كيسوق للاعبين المحليين وأكثر من ذلك جرا على بدر بانون من سويسرا وماداهش بوحدو لكأس العالم بروسيا 2018 ولا واحد تكلم من أشباه المحللين.
رونار عقد بانون ف “ليكيب ناسيونال” إلى درجة أن هاد اللعاب ما بقاش باغي شي حاجة سيمتها المنتخب الاول، وكلشي هادشي بسبب رونار ومن يفتي عليه من تحت الستار.
دابا على تصريحات عادية باغيين يعلقوا خاليلوزيتش، لي تعين هادي شهرين وعيط ل14 لعاب من البطولة، وكون ما كانش باغيهم ما يسوقش ليهم اصلا كيف ما دار الثعلب. ها العار اعطيو التيقار للمنتخب رآه هاد المدرب ما عندوش مع السماسرية ومعمر يتصل بشي واحد غير كونوا هانيين.