علاش حرق العلم المغربي فمسيرة باريس؟. كود جابت ليكم لخبار كامل

حرق العلم المغربي فمسيرة باريس عندو علاقة بمجموعة ديال الامور، أولها حسب مصادر موثوقة، أن يوبا الغديوي وصحابو اللي قادوالمسيرة الثانية في باريس ماجاوش ليهم بزاف ديال المحتجين، والعدد ديالهوم كان لا يتجاوز ثلاثمائة شخص، في حين أن المسيرة الأولىللمطالبة بإطلاق سراح المعتقلين حضرو فيها ما بين ثلاثة آلاف وأربعة آلاف، وهادشي خلا الغديوي وصحابو يحاولوا يديرو البوز بأي طريقة.
ثاني حاجة حسب مصادر “كود”، هو أن المشاركين في هاد المسيرة هم الجمهوريين اللي كيطالبو باستقلال الريف، والهدف ديالهمالاساسي كانو هو الهضرةعلى استقلال الريف هادشي علاش بزاف دالناس فضلو يمشيو للمسيرة الاولى، الليكان غرضهااطلاق سراحالمعتقلين وتنفيذ الملف المطلبي للحراك.
ثالث حاجة هي أن المحامي عبد الصادق البوشتاوي والناشط سعيد خوتور اللي جاو ماشاركوش مع الغديوي ومشاو شاركو فالمسيرةالاولى.
هاد الاسباب وأسباب أخرى خلات المشاركين في المسيرة الثانية، اللي انطالقات بالتزامن مع المسيرة الاولى بالامس، خلاتهوم يحرقو العلم المغربي، رغم أنها حركة رفضها عدد من النشطاء بالريف مؤكدين أن بحال هاد الافعال تضر بالمعتقلين وكتخلي شي ناس يهاجمو الحراك والزفزافي ويوصفوهوم بالانفصاليين.