فيديو ديال واحد كيسمسر ف ملف قضائي شعل الفايسبوك وعبد النباوي دخل على الخط وتحقيقات موسعة لتحديد الأطراف المعنية بيه

أشعل شريط فيديو بان فيه شي حد كيهضر على ملف قضائي معروف على أنظار العدالة رواد موقع التواصل الاجتماعي طيلة الساعات القليلة الماضية. هاد السيد اللي يبدو أنه شي سمسار بان فيه يتبادل الحديث مع بنت شي معتقلة وكيقول ليها أنه تدخل باش يخفض الحكم القضائي اللي غادي يصدر ف حق الوالدة ديالها.
الشريط اللي وصلات المدة ديالو ل6 دقائق يؤكد فيه هاد السيد أنه تدخل لدى رئيس هيئة الحكم باش يخفض الحكم من ثمانية أشهر إلى شهرين فقط، مؤكدا لابنة المعتقلة أن والدتها بقات ليها غير 40 يوم وتخرج من الحبس.
#هذ_شي_خطير#فيديو مسرب تيبين البيع والشرا في المحاكم المغربية
Publiée par GOUD sur Jeudi 14 novembre 2019
وفضح الفيديو هاد السيد وهو بصدد الحديث عن مبلغ مالي مقابل التدخل لدى رئيس هيئة الحكم للعمل على تخفيض الحكم القضائي اللي متابعة فيه سيدة في جرائم جنائية من بينهما تكوين عصابة إجرامية.
هاد الفيديو هز الجهاز القضائي وحرّك رئيس النيابة العامة الذي سارع إلى فتح تحقيق دقيق لتحديد جميع الأطراف الواردة فيه، في أفق الاستماع إليها، وتقديم كل من تبث تورطه في ذلك أمام العدالة لاتخاذ المتعين قانونا.