تبعات “الديربي العربي”. محاسبة الناصيري بدات بالوداد.. جمهور بوحمرون فرعو بالأرقام وبين بأن حصيلتو مكفسة بتسييرو الهاوي والانفرادي وبأنه فعهدو كانت لخسارة أكثر من الرباح

كيفما كالت “كود” “الديربي العربي” غادي تكون عندو تبعات. أولها طاحت على راس الناصيري لي بدات المحسابة ديالو فالوداد. بوحمرون وجه انتقادات لاذعة لرئيس النادي بعد الإقصاء، أمس السبت، من كأس محمد السادس على يد الغريم الرجاء في واحد من أفضل الديربيات بين الناديين التي احتضنها المركب الرياضي محمد الخامس بالدار البيضاء.
واعتبرت جماهير الوداد أن رئيس المكتب المسير يتحمل لوحده مسؤولية الخروج المبكر من المسابقة، وهو الإقصاء الثاني من منافسة رياضية مع انطلاقا الموسم الرياضي بعد مغادرة كأس العرش من الباب الخلفي، إثر الخسارة أمام الجيش الملكي.
وأشارت، في تدوينات كتبت على حائط صفحات محبي النادي، إلى أن توالي النكسات كان أمرا طبيعيا في ظل انفراد الرئيس بالقرارات وتسيير القلعة الحمراء بأسلوب دكتاتوري، مؤكدة أن المستوى الضعيف اللي كيبان بيه الفريق حاليا نتاج لطريقة تدبير الميركاتو اللي مصرف فيه الناصيري حتى درهم وباغي يحقق الألقاب.
محاسبة الرئيس مكانت فقط غير بالتحليل والاستنتاج، بل حتى لغة الأرقام. بحمرون جبدو للناصيري سجل الإنجازات التي تحققت في عهده واللي كانت فيها الخسران كثر من الرباح.
وجاء في تدوينة فاد الإطار، “من نهار خديتي الرئاسة، الوداد ربحات 4 ألقاب وضيعات أكثر من 11 لقب يعني إلا درنا تقييم للحصيلة الكروية غادي نلقاو حسابيا نسبة النجاح هي 30 في المائة تقريبا على إعتبار أن الوداد ماكاتعتارفش سوى بالألقاب”.
وأضافت “حاجة عادية أننا ماغاديش نشوفو غا الألقاب واخا هوما الأهم .. كيف عطينا لهاد السيد حقو على أنه عاود حيا الفرقة بعدما كانت فالهاوية ورجعها للحالة الطبيعية كرويا وماديا إلا أنه كاين سيلبيات بزاف فالتسيير”، وزادت موضحا “من 2014 أي حاجة كاتكون فالفرقة كاترتابط بالرئيس مباشرة، هذا معناه أن منو ناطق رسمي وكاتب عام وكولشي فغياب تام لشي حاجة سميتها مكتب مسير وهاد الشي اللي خاصو يكون والجميع يعرف أعضاء المكتب”.
كما أكدت أن الوداد من سنة 2014 جابت أكثر من 50 لاعب و30 في المائة تقريبا أو أقل هي نسبة نجاح الصفقات”، مضيفة “الفرقة من 2014 ماخدماتش على الماركوتينغ، باقي الوداد ماعندهاش محلات رسمية ديال النادي وباقي ماعندهاش طاقم إعلامي إحترافي وباقيين عقود الإستشهار بمبالغ متوسطة مقارنة بحجم النادي”.
وزادت مفسرة “فاش سالا الموسم الماضي، واحد الصحفي سول الرئيس على برنامج الفريق العام الجاي و كان الجواب: ماغادي نبدلو والو حيت حققنا إنجازات بهاد الفرقة ، إذن لاش غانبدلو؟ هاد الفرقة مشا ليها المدرب وأحد نجوم الفريق وهي الفرقة اللي كانت كاترقع فبزاف ديال المراكز (ماعندكش ظهير أيسر و صانع ألعاب و مهاجم ..). الناصيري دوينا بزااف ومابغيتيش تفهم راسك … شحااال قلنا ليك بلي الفرقة كايهزوها غير ولادها، نضتي نتا فرقتيهم على فراقي اخرين وبالاسماء (مساكي للجديدة، رحيم و زيلا للاتحاد البيضاوي، الشيباني للجيش …) هادشي مامفهومش ا معلم علما انه اليوم ولا المدرسة لي دارو الفرق وكانو الطوب.. موضوع الانتدابات كل عام كانعانيو منو لا حنا كاجمهور لا المدربين وسبب هرب البنزرتي هو هاد الموضوع بالذات.
وأضافت “العالم كلو هضر معاك على الظهير الايسر ديال فيتا كلوب (نغوندا موزينكا) لي شحال تسنا فيك وتقووول واش بغيتي تفيق وتجيبو لسبب بسيط هو انك مابغيتيش تجيب الضريرة للناهيري. هاد خونا لي داير فيها هو لي صنع الكرة وكايدور يهرج وماباغيش يلعب معانا وملي كايمشي عند عموتة كايدير الجهد في جهداين، بعتي واحد من الدعائم (محمد اوناجم ) وماجبتيش بديل في نفس القيمة ديالو. خلاصة القول هادشي ماخاصوش يدووز مرور الكرام خاص الضرب بيد من حديد، وابتداءا من الانتقالات الشتوية باراكا علينا من الشراف نردو الاعتبار لولاد الفرقة ونجيبو لاعبين لي كايلعبو مع فراقيهم باراكا عليما من اللاعبين الاحرار لي ماعطاو حتى إضافة”.