والعهدة على “ماگريب كونفيدرانسيال”: الهمة والتراب ومولاي حفيظ دارو لجنة بنموسى

فؤاد عالي الهمة اكبر مستشاري الملك محمد السادس ومولاي حفيظ العلمي وزير الصناعة والتجارة والتكنلوجيات الحديثة… ومصطفى التراب الرئيس المدير العام للمكتب المديري للمكتب الشريف للفوسفاط كان عندهم “ثقل” ولعبو دور كبير فتشكيل الللجنة الخاصة بالمشروع التنموي اللي كيرأسها شكيب بنموسى. هاد الشي اللي كشفات عليه “ماگريب كونفيدرانسيال“.
هاد الجريدة الفرنسية قالت باللي هادو حطو ناسهم فاعضاء اللجنة 35 اللي عينهم الملك محمد السادس يوم 12 دجنبر 2019. علاش بنات هاد الشي ديالها اللي ماشادش بزاف.
على ان فاللجنة كاين العربي الجعايدي اللي كاين فهاديك التينك تانك ديال الفوسفاط والكاتب المهندس فؤاد العروي اللي صديق لمصطفى التراب وباللي غيثة لحلو عضوة مجلس ادارة ف”ساهام” وباللي “غيثة القادري” مديرة “زاكورة” والباحثة نرجس هلال من المقربين للهمة. غير نساو يقولو مثلا راه نور الدين العمري الرئيس المنتدب للمؤسسة الرحامنة للتنمية المستدامة حتى هو مقرب من الهمة. هاد الرئيس السابق للبنك الشعبي دابا مكلف بمهمة فالديوان الملكي.
ما قالو والو على دور شكيب بنموسى. هادا جاب ناس كثار منهم كريم التازي اللي صاحبو ورشيد بنالزين اللي كيعرفو مزيان وعدد من المهندسين.
اذن زادو فيه وصافي. اللجنة اللي لعب فيها دور واضح هو الرئيس. طبعا الدولة بكاع توجهاتها ساهمات. التركيبة كيتبين فيها المهندسين بزاف. جابهم بنموسى اللي بحالهم