فضايح بوينگ 737 ماكس اللي حصل المغرب ف2 منهم. موظفو شركة الطيران: هادي طيارة صايبوها مهرجين وكيشرف عليهم قرودا

فضايح بوينگ 737 ماكس” غادية وتبان مع ليام. هاد المرة الفرشة جات من الموظفين ديال الشركة الامريكية. هاد الرسائل الداخلية كانت الشركة ظهراتهم البارح الخميس وفيها امور كثيرة. هاد الرسائل كتعود لشهر ابريل 2017 وفيها موظفين كيتشكاو من هاد الطيارة. هاد الرسائل هدرات على مشاكل فحاسوب ادارة الملاحة فالطيارة. اشهر رسالة كانت هاد العبارة اللي كتبها واحد من هاد الموظفين “هاد الطيارة صممها مهرجون وشرف عليهم قرودا”. رسالة قبلها بعامين هدرات على اساليب الضغط المستخدمة عند مواجهة مطالب من المشرعين الأميركيين، كتب أحد موظفي بوينغ قائلا إن المشرعين كانوا على الأرجح يريدون تدريبا على جهاز محاكاة يقدم نوعا معينا من التنبيهات لقمرة القيادة. وكتب الموظف يقول “سنقوم بالضغط بشدة بشأن هذا الأمر، وسنحتاج على الأرجح إلى الدعم من أعلى المستويات عندما يحين وقت التفاوض النهائي”.
دابا كاينة شكوك علي تفاعل “بوينگ” مع ادارة الطيران الفيدرالي بخصوص تأهيل ومواصفات جهاز المحاكاة.
دابا فالمغرب كاينين جوج طيارات من هاد النوع غير محطوطات. بلا خدمة بلا والو من نهار طاحت طيارة من هاد النوع فاثيوبيا. لارام كانت دارت صفقة لشراء طائرات اخرى من نفس النوع. وحدة دخلات ف2019 وبدات الخدمة ووقفات بعد حادث اثيوبيا والثانية تسلمات بعد الحادث وما عمرها خدمات ودارو بناقص فالطيارات اللي مازال ما تسلموهمش.