اخنوش من ابيدجان: بالشباب تزيد بلادنا للقدام وشيري دوز 3 سنين ما ساهلاش وحتى حد فينا ما متشبث بالمناصب

دافع اليوم عزيز اخنوش رئيس التجمع الوطني للاحرار عن الرئيس السابق الفيدرالية الوطنية لشبيبة التجمع الوطني للاحرار يوسف شيري. هاد الشي جا فتجمع حزبي تعقد بابيدجان بالكوت ديفوار. اخنوش قال ان شيري دوز 3 سنين ما ساهلاش باش الحزب قرر يكون عندو لاول مرة منظمة للشبيبة٬ واضاف انه قام بدور كبير فترسيخ ثقافة ارجاع الثقة للمواطن فالعمل السياسي بالاضافة الى مجهودو الجبار باش تكون شبيبة التجمع واحدة من اهم المنظمات اللي كاينة فالمغرب واضاف اخنوش انه يثق فيه وفيما سيقوم به من اجل الحزب مستقبلا.
واكد رئيس التجمع انو اليوم غادي يتكلف بمنطقتو درعة تافيلالت وباللي لا هو ولا غيرو فالتجمع الوطني للاحرار متشبث بالمناصب “كل واحد له دورو فالوقت المناسب”
وكان لحسن السعدي خلف يوسف شيري على راس الفيدرالية الوطنية لشبيبة التجمع الوطني للاحرار قبل ايام.