سلوى الإدريسي جابت ماركة عالمية جديدة لمتجر “يان آند وان”.. ومولات “كَراندي كوسمتيك”: المغرب فيه بزاف ديال الزين والجمال -تصاور

ختارت الماركة العالمية “Grande cosmetic” محلات “يان آند وان” باش تكون الموزع الحصري ديالها لأول مرة في المغرب.
أليسيا كَراندي حضرات البارح في موروكومول وكشفات أن “يان آند وان” هو واحد من أجمل المحلات لي شافت عبر العالم وأن الخدمة ديال صاحبتو سلوى الادريسي مزيانة وعندها لمسة عالمية.
وكشفات أليسيا أن عملية تجريب المنتجات ديالها لي كيقويو الحجبان والشفران وكينفخو الفم بلا فيلر ماداروش على الحيوانات وأن المكونات لي فيهم طبيعية.
قصة السيدة الأمريكية لي كتعامل حاليا مع أسماء كبيرة بحال المليارديرة كايلي جينر، بدات هادي 11 العام ملي كان الحلم ديالها يكونو كاع النساء زوينات وعندهم الشفران طوال وحجبان فيهم الشعر.
وقالت في لقاء صحافي في محل “يان آند وان” أنها ماشي ضد الماكياج ولكن كتبغي تشوف الجمال الطبيعي كثر.
وأكدت أنها ملي جات للمغرب شافت بزاف ديال الزين والجمال وأن حجبان المغربيات واعرين وماكاينش بحالهم.