ندى حاسي “كيم كاردشيان الخميسات” دخلات لسبيطار.. وحالتها صعيبة

من بعد الغيبة الطويلة لي دخلات فيها ندى حاسي المعروفة بكيم كاردشيان الخميسات، بدات كتسترجع النشاط الانستگرامي ديالها بشوية بشوية… والبارح دارت حصة ديال الأسئلة ودوات فيها على أسباب الغياب.
وقالت ندى أنها غبرات بعدما داو ليها الكونط لي فيه مليون متابع بسبب السينيال ملي عيرات باسو بكلام عنصري، ومازال الى يمنا هذا كتحاول ترجعو. وكشفات أنها مرضات بسبب كلام الناس ودخلات لللسبيطار كاع، ودوزات أيام كحلة زحلة.
ندى أكدات أن الشهرة هرساتها وفقدات ناس عزاز بسبب هادشي، ودابا مبقاتش عندها القدرة والطاقة لي تسمع كلام جارح في حقها.