الكاف ردات: نشر المغالطات ما غاديش يمنعنا من الاصلاحات والقضاء على التدبير التقليدي وغاديين ندعيو كل واحد نشر هاد الاشاعات

قال بيان للاتحاد الافريقي ان اللجنة التنفيذية غادي يستمر فاصلاحاتو الهيكلية واخا كاينة محاولات كتوظف الصحافة باش تخليه يشد سكة اخرى. وقال البيان ان اللجنة التنفيذية لل”كاف” تحتفظ بحقوقها باش تدعي كاع كتاب هاد “لكذوب” “للي ما عندو ساس” اللي كيروج هاد الايام فالصحف وفوسائل التواصل الاجتماعي.
واكد البيان ان اللجنة التنفيذية واعية بالصعوبات اللي كتواجهها لتدبير “الكاف” اللي كان اللي كان لمدة 30 عام كيتصرفو فيه بحال شي ارث عائلي. وذكر البيان ان اللجنة التنفيذية قبلات ف11 ابريل 2019 على طلب “الفيفا” باش دار شراكة واستقبلات لجنة لمدة 6 اشهر اللي دارت تقرير علي الكاف باش تسرع عملية الاصلاحات والتدابير الهيكلية والحكامة.
واكد البيان ان الكاف غادية تستمر فهاد الاتجاه الاصلاحي اللي غادي يتم وفق المعايير الدولية. وذكرت ان التغيير ما يمكنش يدار فاشهر بعد سنوات من التدبير التقليدي.
وتحدث البيان عن عزم اللجنة التنفيذية انهاء هاد الاصلاحات مع نهاية هاد ولايتها. كما اوضح البيان ان اللجنة التنفيذية حددات اجتماع 14 فبراير 2020 لإقرار خارطة الطريق 2020-2021 والتي سوف تأخذ في الاعتبار التوصيات المختلفة. كما وعد بنشر كلشي فاطار الشفافية.