سكوب. هذا هو مول البروجي “حشومة” الي اختارت زينب فاسيقي تسمي به واحد العمل.. السيد فنان بمعنى الكلمة

مهدي جاسيفي فنان مغربي بمعنى الكلمة جامع ما بين فن الفوتوغرافيا وفن التصميم. كيستعمل هاذ الموهبة الي عنده باش يوصل أفكار و يستفسر على اشكاليات مطروحة فالمجتمع. المساواة بين الرجل و المرأة، الدفاع على حقوق المراة و
منع زواج القاصرات كلها من بين القضايا الي كيدافع عليها من خلال أعماله.
مهدي ماشي جديد فالميدان، اول مرة يعبر على قضية المرأة المغربية كانت ف 2012، عرض عمل فني خصصه لقضية زواج القاصرات سميتو”مزال صغيرة على الزواج” الي واحد اللوحة معروضة دابا نيت فرواق “ڤنيز كادر” فالدارالبيضاء.
ف2013، مهدي الجاسيفي دار واحد العمل رائع و انيق على المستوى الفني و سماه “حشومة”. هاد “حشومة” عبارة علو واحد العرض ديال مجموعة الصور الفوتوغرافية لتصليط الضوء على هاد العوائق الظلامية المقيّدة للإنسان و ممخلياهش يعيش حياته حر و مرتاح. حشومة هاد الكلمة الصغيرة الي الثقل ديالها كبير علينا رجال و نساء الي حابسانا نزيدو القدام. حشومة هو ايضا اسم الي ختارت الانسة زينب فاسيقي تسمي به واحد العمل على شكل قصص مصورة و كايدوي بحال العمل الأصلي ديال مهدي، على قضية المرأة. السؤال الي كنوجه لهاد السيدة :
شحال نسبة استلهامك من عمل الفنان مهدي جاسيفي؟
حنا متأكدين بالتاريخ و الشهود ان السيد هو مول الفكرة، واش طلبتي الإذن قبل ماتاخذيها ولا غير جيتي و هرفتي؟
ونفس الأسئلة بغيناك تجاوبنا عليها بخصوص رسوماتك حتى هي، الي شفناها سنين من قبل عند واحد الفنانة طاليانية سميتها “مادّالينا ايوناطا”، الي هي بصح تقدر تقول كنرسم راسي لان بصح كتشبه حتى شكلا لداك الجسم الرشيق الي فالرسومات؟
رسم للفنانة الايطالية ايوناطا مادّالينا
رسم للفنانة الايطالية ايوناطا مادّالينا
هاذي أسئلة شحال الناس كيطرحوها، لانه ميمكنش تقوم بتقييم او حتى التمتع باي عمل الا كاينا شكوك حوله، الفن واحد الحاجة راقية غير قابلة للغش او الكذب، الفن اخر تعبير حر بقى لنا و مبغيناهش تاهو يتوسخ. الا كاتعتابري نفسك فنانة، فاحتراما للفنانين و الفن، جاوبني بكل وضوح من اجل رفع الملابسات و الشكوك.
هدا رابط تلقاو فيه فيديو الفنان مهدي جاسيفي: