نايضة فدوزيم. صحافيون ل”كود”: اللي كان يومن بسيطايل راها ماتت وللي كيامن ب”دوزيم” راها مستمرة وما نخليوش البركاكة ديال سيمرة يتحملو مسؤولية

رغم مغادرتها القناة سميرة سطايل٬ نائبة المدير العام ل”دوزيم” سابقا والمديرة المستقيلة من مديرية “الاخبار” لازالت تمارس دور الرقابة على المؤسسة. صحافيون من القناة اكدوا ل”كود” انها خدامة كتنفذ اوامرها عبر مسامر المايدة اللي خلاتهم فالقناة.
المصدر قال ل”كود” بان هاد الشي خلق اجواء متشنجة فهاد المديرية.
واتهم الصحافيون ل”كود” وجوه فهاد التلفزة بممارسة ادوار رخيصة حقيرة وباللي باغيين يتحكمو فادارة التحرير باش تبقى كيف كانت مسيرة ويبقاو ناسها هما لللي مستافدين من كلشي.
مصادر “كود” قدمت نموذج على هاد الشي فالنشرة الخاصة اللي تم بثها من اكادير السبت اللي فات. اذ اوضحت المصادر ل”كود” ان هاداك الشي قلق بزاف العاملين فالقناة. تحدثت عن تدخلات بالواتساب والتلفونات.
ووعد صحافيون ل”كود” بعدم تمكين رجالات سيطايل من تولي منصب ودافع عن اعطاء الفرصة لللي قاري ومكون وعندو تجربة ماشي للحماسة والعطاية والبركاكة.
سليم الشيخ مدير القناة كيدير جهدو باش يقاد الامور ويخلق اجواء ما بعد سيطايل. عندو الرغبة وخاصو شوية الوقت باش يعطي لكل كفاءة فرصتها.