علاش يا بنعرفة خرجتي فندوة صحافية. ما عمرك درتي يديك فشي حاجة وصدقات حقاش انت وصلتي لمنصب بدون استحقاق ولعنة بنكيران تابعاك

البارح باش بان رئيس الحكومة مع وزير الصحة فندوة صحافية كاع لمغاربة كان عندهم احساس باللي المغرب وصلاتو “كورونا فيروس”. غير شافوه بدات الاسئلة. هاد الاسئلة جاها الجواب بعد ساعة. وزير الصحة اللي كان فالندوة قال باللي تم تسجيل اول حالة لهاد الفيروس اللي قتل كثر من 3 الاف فالعالم ووصلو المصابين بيه اكثر من 84 الف حالة.
وزير الصحة بغى اليوم يحيد هاد الصورة السلبية اللي داروها لمغاربة على بنعرفة وقال فندوة هاد الصباح باللي باش دار الندوة الصحافية معاه ماكانوش مؤكدين باللي كاينة شي حالة. كانت غير شكوك. وباللي بعد ساعة عاد تاكدو.
هو كلام منطقي ومعقول وشاد فراسو غير هو السؤال علاش اصلا خرج رئيس الحكومة هاداك بنعرفة فديك الندوة. فالعالم كولو كاين مدير الاوبئة او وزير الصحة كيعطي ندوات باش الناس تطمئن ماشي رئيس الحكومة. هاداك بلاصتو البرلمان.
ثم بنعرفة ديالنا اصلا شخصيتو مهزوزة ما فيدوش ما كيقنعش وصل للمنصب بطريقة كلشي عارفها والتاريخ غادي يحتافظ ليه بيها. ماشي بدراعو ماشي بخدمتو بل خدمة التاعس بنكيران ليه هو. ثم كيفاش قيادة حزبو لاحو بنكيران بديك الطريقة حتى هي غادية تبقى خالدة فهاد الحزب اللي مصدعنا بشعارات الاخلاص والوفاء وووو
احسن حاجة ديريها بنعرفة فهاد ليام هو يغبر. ما يبغيوش يشوفوه لمغاربة. ظهورو كيخلع المواطنين ما كيطمئنهمش. هو اصلا مخلوع كيفاش يقدر خطابو يعطي الثقة لمواطن تالف خايف من مرض مجهول ب