بعد حيحة مجحومو الزعيترات ولاو يحكمو. مشى لمستعجلات ابن سينا ونوضها گاليك اسيدي جا يشوف كيدايرة الخدمة والفضيحة ما شدوه ما تابعوه

أبو زعيتر خربق “إبن سينا”. هاد الصباح لا حديث في المستشفى سوى عن الزيارة المفاجئة التي قام بها المقاتل المغربي للمستشفى، في الساعة الثانية من ليلة الثلاثاء – الأربعاء، والتي انتهت بتدخل عناصر في مركز الديمومة بعد ما انتافض على الطاقم الطبي المداوم بالمستعجلات. الخبر خرجاتو اول مرة “شوف تيفي”.
ولي برزط الطبا فالمستشفى الجامعي بالرباط هو طبيعة هذه الزيارة. فحسب ما المعطيات المتوفرة، ل “كود”، أبو زعيتر مجاش باش يدوز ومكانش مرافق لشي واحد مريض أو كان باغي يزور شي مريض. المقاتل المغربي، وفق ما أكده مصدر مطلع في المستشفى ل “كود”، جا وقف مدة وبقا كيراقب عن بعد في ما يحدث في المستعجلات وحالة الاكتظاظ لي كانت عليها وظروف الاستقبال، قبل ما ينتفض ويدخل في مشاداة كلامية عنيفة ما الأطقم الطبية وملي صعاغب السيطرة عليه جرى ربط الاتصال مصلحة الديمومة التي انتقل عناصرها وأخرجوه من داخل المبنى الصحي المذكور.
هادشي عندو تفسير واحد وهو أن المقاتل المغربي جا المبنى باش يشوف آش واقع فيها، وهذه مهمة تفتيشية كاين الجهات لي مكلفين بها ومن اختصاص الوزراة الوصية للقطاع، وهو ما أثار حالة من الاستغراب فصفوف العاملين في المستشفى لي مفهموش آش خلاه يدير بحال هوكا.
رغم دخول أبو زعيتر في مشادة عنيفة مع أطقم الطبية لي كالنت فالمستعجلات، إلا أن لا أحد منهم قرر متابعتو.
دابا هادي السيبة. دار خدمة وزارة الصحة وانتاحل صفة وخرج بلا ما يقلقو حد.
هاد لفضيحة جات بعد فضيحة مجحومو اللي شرفو ليه شي حد فسلا هادي يومين ونوض كاع الامن يقلب عليه.
هاد الشي قلناه ف”كود” هادي مدة طويلة. راه مجرد حضور هاد بنادم فضيحة للبلاد