ف الوقت لي حكومة بنعرفة ضعيفة ف التواصل..مستشارو ف التواصل خربقها ودار تاشوافت على مستقبل أخنوش ف السياسة

بنعرفة ضعيف ف تواصل، باش يصلح هاد الضعف جاب نزار خيرون من شبيبة البيجيدي لي كان منشط حزبو وقياداتهم ف التواصل الاجتماعي، لكن مازال كاع مسحن بلاصتو ناض دار تدوينة على حزب التجمع الوطني للاحراب ومن بعد مسحها.
خيرون خربقها لبارح ف تدوينة وقال بلي محمد بوسعيد كيوجدوه يكون بلاصت عزيز احنوش ف رئاسة الحمامة، هادشي كاين لي اعتبرو تدخل ف شأن داخلي، وممارسة “تشاوفت” والانحراط ف حملة استهداف ممنهجة ضد رئيس حزب التجمع.
“كود” جابت خبيرة سخونة هاد الصباح، كتقول بلي كاين حرب بين مستشاري رئيس الحكومة المكلفين بالتواصل والاعلام، شي كيحفر لشي.
بلاصت مايقابلو شغالهم ويقادو امورهم ناض هاد نزار يشرق ويغرب على مستقبل حزب مشارك معه ف الحكومة.
باش عرف راسو قفرها، ناض كتب تدوينة :”حسب النهار المغربية-عدد اليوم-، فإن محمد بوسعيد يتهيأ لخلافة عزيز أخنوش على رأس “الأحرار”.
دبا هذا كيأكد بلي كتائب البي جي دي منخرطة ف الاعلام لي كاديرها جهات غير معروفة ضد اخنوش، من المقاطعة لدابا.