الفعفاع كافئوه ما بغاوهش يبقى شومور وموجدينو للباطرونا يعوض بنصالح

كود كانت نشرات فيناير الماضي باللي كيوجدو صلاح الدين مزوار او الرجل اللي فعفع وزيرة خارجية السويد٬ لمنصب رئيس الباطرونا. الانتخابات قريبة دابا ومريم بنصالح اللي حاولات توجد الطريق لولاية ثالثة واخا ما كايناش فقانون الباطرونا وباش ما شدات ليها غادية تحدر الراس وتخرج.
الفعفاع كان فالنسيج رئيس لجمعية مهنيي القطاع ولكن دابا كيوجدوه ويعطيوه الباطرونا حقاش ولات هاد المؤسسة خدامة بها الدولة فافريقيا. عندي عندها دور ديبلوماسي كبير. هاد الشي جابو ديالهم جابو واحد باش يكافئؤه واخا هو طلع سياسي صطل ما فيدوش. حقاش معاه حزبو التجمع الوطني للاحرار جاب 37 مقعد صافي. هاد الشي علاش جراو عليه من الحزب وباينة بقى فيهم ورجعوه.
كيفاش الدولة كتهدر على تجديد النخب وبحال الفعفاع ديما مكافئينو واخا خدمتو ما قافزاش فكاع القطاعات الوزارية اللي دوز.