انفراد. هاد التنوعير: واش باغيين هاد الديموقراطية ولا كيضحو على المغاربة؟ مصدر ل"كود": ايلى خدا المالكي رئاسة مجلس النواب سالى كلشي

اليوم يقدر يتحدد مصير المغرب فالسنوات الخمس المقبلة. اجتماع رئيس الحكومة عبد الاله بنكيران بزعماء الاحزاب الممثلة في البرلمان على الساعة الخامسة مساء بمقر رئاسة الحكومة بالرباط. الاجتماع دار فالاصل باش يلقاو تخريجة قانونية ظاهريا ولكن سياسية فالاصل لاخراج مجلس النواب قصد المصادقة على معاهدات تمهد عودة المغرب الى الاتحاد الافريقي. ولكن غادي يكون حاسم بالنسبة لمصير تشكيل الحكومة.
مصدر "كود" قال ايلى تم اختيار الاتحادي لحبيب المالكي رئيسا لمجلس النواب غادي يدخل المغرب فازمة سياسية وكلشي غادي يسالي. رئيس الحكومة عبد الاله بنكيران يرفض حتى مشاركة الاتحاد الاشتراكي في حكومته في المقابل مازال زعيم الاحرار عزيز اخنوش باغي حزب لشكر يشارك فيها.
بلغة الارقام وبعد ايام من التخوفيش السياسي يمكن لحبيب المالكي ايلى دعمو البام والاحزاب اللي ولات تابعة للاحرار : التجمع والحركة الشعبية والاتحادين الدستوري والاشتراكي/ يحصل على الاغلبية. كلهم فايتين 205 المقاعد من اصل 395 لكن كلفة هاد الاختيار كبيرة بزاف على المغرب.
هاد الشي ايلى وقع كيعني ان بنكيران ما بقاش رئيس حكومة وان لعب جديد غادي يديروه غير هاد الناس اللي كيوجدوه كيهمهم مصالحهم الشخصية حقاش المغرب غادي يكون الخاسر الاكبر. كلشي غادي يعرف بان كل هاد الشي ديال تشكيل الحكومة كان غير مسرحية وان الفيلم واجد باش ربحات العدالة والتنمية الانتخابات.