كيفاش كتعيش 500 عائلة فمارينا بورگراگ الجحيم مع مطاعم عطاتها الادارة ترخيص واستغلاتو ومنعات النعاس على عدد من هاد العائلات =فيديو وصورة=

باش كيدوز شي حد من طريق سلا على لوداية فالرباط كيبان ليه سكان مارينا بورگراگ عايشين فاحلام. سكنى زينة بين الواد والبحر لناس شراوها بالثمان. لكن ورا هاد الصورة كاين حجيم كيعيشوه هاد السكان.
شكايات عند “كود” نسخ منها قدماتها تنسيقيات لهاد 500 عائلة على تصرفات مطاعم ومحلات. فق شكايات السكان ل”كود” فهاد المطاعم دايرين الفوضى خدامين مصدعين ناس كذبات عليهم “مارينا” وباعت ليهم بثمن غالي فيه الراحة. ما بقاوش كينعسو حتى الثلاثة الصباح. النشاط عندو ضوابط. الموسيقى عندها ديسيبيل خاص بيها. فهاد المحلات ما كاين والو. كيخدمو الابواق ومكبرات الصوت. ما عمرهم احتارمو وقت الاغلاق. تصورو هادو سكان فيهم معروفين ما قدروش يطبقو القانون وسط مارينا بوركراك. اش خلاو للناس لخراين. شكون اللي كيحمي هاد بنادم