أحسن حل للدولة للتخلص من هاد الآفة هو ميكة ديال الشراب وساطة وبرتوش لكل مواطن محنسر يحرص الفضيلة فراس الدرب

من بين أكثر المطالب الشعبية غرابة وكنعتبرنا انا شرعية هو ماطالب به سكان المدينة القديمة بآسفي ، إثر تجمهرهم أمام منزل أحد الأجانب بدعوى أنه يمارس الجنس كثيرا في منزله ولا يحترم الساكنة، وقد طالب السكان بإعتقاله لأنه مارس الجنس هنا مع نساء كيجيو معاهع للدار عن طيب خاطر، كما تم اعتقال سعد المجرد في فرنسا لأنه حاول ممارسة الجنس على إحداهن هناك ، وبهذا نكون قد دافع المغرب فنانه ، وطبعا ملي نعتاقلوا حتى حنا الأجانب هنا لي حرثوا الفول نديرو مع فرانسا تبادل للأسرى ، يعطيونا سعد مقابل 20 كاوري ، حيث حسب سكان المدينة القديمة في آسفي فهادي حرب كيشنها الغرب على المغاربة لي كيحرثوا الفول تما ، وعلينا أن نرد بالمثل .
يقدر يبان هادشي لي كتبت سريالي ومزيود فيه ، ولكن حق مولاي براهيم طير لجبال ، حتى هذا ما طالب به بعض السكان في الفيديو المذكور، وسبب تجمهرهم حسبي ماقالوا ، هو أنه واحد الأجنبي كيقولوا أنه يهودي ولد لحرام اسرائيلي كيجيب معاه البنات والشراب كل نهار ، وكيدوزهم من وسط الدرب عين باين حدا كولشي ، وكما قال أحدهم في الفيديو ، " واخويا مكيحتارمناش كيدوز بالميكة عامرة شراب ومعاه درية لابسة مقزب حدا كولشي"، يعني خونا المواطن كيتشكى منو غي حيث كيدوز من حداهم بالميكة عامرة شراب ومعاه درية ، وكون مثلا كيدوز فشي نفق تحت الأرض مكيشوفوا أو كينزل بالباراشوط فوق السطح فراه هانية ، الموشكيل هو ديك الدوزة لي كيدوز من حداهم معاه درية وهاز ميكة ديال الشراب وهوما محنسرين فراس الدرب كيتوزو ماركيز بلا ستيكة ، زعمة راه حنا متفهمين الى بغا ينيك ويشرب بصحتو غي مايدوزش حدانا يشعل فينا الحقد المنوي ، ودابا كنطالبوا المخزن يتدخل يا إما يفرق علينا ميكة ديال الشراب وساطة للواحد إما يعتقل هاد الشخص ، أما شي ياكل الحلوة ويشي يتشهى ويطلع للدار يسلخ لحنش فراه ماجاتش وهادشي ظلم وهادي راه بلاد إسلامية وبلاد أمير المؤمنين ، وخاص يتدخل ماشي حيث حنا كنكرهو الحياة وكنحسدو لي كيحرث الفول ويضرب الطاسة وحنا لا ، ولكن هادي راه قضية وطنية كيما شدولينا سعد نشدوليهم ميشيل حتى حنا، وراه فيا منشدو نفرتكو ولكن المخزن ديال أمير المؤمنين عارفو غيجي من جيهتو عليها مقصتوش .
كلنا عارفين أنه كاين مواطنين لي كون مكانش المخزن يشدو بنادم يفرتكوه بسبب وبدون سبب، ولكن ملي كيكون هاداك بنادم كيدوز من حداهم بميكة ديال الشراب وساطة فراه التفرتيك كيولي فعل مشروع وماشي جريمة بل العكس المخزن كيولي ديوثي لأنه كيحمي الفساد ، ودابا خاص الملك يتدخل يديرلينا حل ، هذا ما يردده المغربي المحنسر فحريث الفول وباغي يحرمها على كولشي ، ولي كيعتابر أي واحد عايش حياتو وزاهي وناشط فراه كيمارس عنف رمزي عليه والى تدخل وفرتك مو فراه غيكون غي فحالة دفاع عن النفس أي الأخلاق والإسلام والإيمان وكندوزو هنا حدا واليدينا وولادنا .
وبصح هنا خاص المخزن يتدخل ، إما يسيفط هاد المكابيت لبابور السيما ولا لمول البركي وميخرجوا حتى يتعلموا يدخلوا سوق راسهم ، إيما يجيب ليهم ميكة ديال الشراب وساطة وبرتوش للواحد ، أما الى بقا بنادم هاكة فراه ليوم رادعو المخزن وباغي يفرتك بنادم وماقادش غدا يقدر يضرب ربع ديال ماحية ويفرتك بصح شي حد غي حيث عايش حسن منو ، وكيبقى أحسن حل للدولة للتخلص من هاد الآفة هو ميكة ديال الشراب وساطة وبرتوش لكل مواطن محنسر يحرص الفضيلة فراس الدرب