الرباح: اعمارة بخير ويخضع لرعاية فالمستشفى وماشي فالانعاش

كشف وزير الطاقة والمعادن عزيز الرباح ان زميله فالحزب وفالحكومة عبد القادر عمارة وزير التجهيز والنقل والماء فصحة مستقرة. الرباح اوضح انه اتصل بالمعني بالامر وانه "بخير" وانه يضخع لرعاية بالمستشفى "وليش فالانعاش".
اعمارة قبل دقائق نشر تدوينة باش يبين راه بيخير قال فيها باللي كيتابع اللي كيخدمو ليل ونهار باش يحيدو الثلج فازيلال.
هاد الشي جا بعد نقل اعمارة لصبطار العسكر فالرباط وداروه تحت المراقبة الخاصة"
وكان علن الوزير اعمارة على إصابتو بفيروس "كورونا" على الصفحة ديالو بموقع التواصل الاجتماعي "فيسبوك"، وتبع العلاج ديالو فالمنزل ديالو فين دار الحجر الصحي، على اعتبار ان الحالة ديالو لا تدعو للقلق.
وكان اعمارة تلاقا مع أعضاء الحكومة فاجتماع المجلس الحكومي، الشيء اللي خلا جميع اعضاء الحكومة اللي حضرو الاجتماع يديرو التحاليل باش يشوفو واش تقاسو بالفيروس ولا لا، لكن التحاليل ديالهم خرجات سلبية.