مصدر من وزارة التجارة ل"كود": ها علاش تعطلات لكمايم باش توصل عند كاع مناطق المغرب وتنتج لحد الان 7.8 مليون ماسك

مع تعميم فرض الكمايم على المغاربة اللي مسموح ليهم يخرجو. يتقضاو او يخدمو. بانو مشاكل فالتوزيع. الناس ما لقاوهمش. وفق مصدر من وزارة الصناعة والتجارة ل"كود" فان كاع الاجراءات درناها باش يكون توزيع يشمل جميع مناطق المغرب.
مصدر "كود" اكد انه لحد الان وصلنا لانتاج 7.8 مليون كمامة. مولاي حفيظ العلمي الوزير الوصي على القطاع كان اكد قبل يومين ان الانتاج غادي ينتاقل ل5 مليون كمامة فالنهار ومن بعد نوصلو ل7 مليون كمامة فالنهار. اذن الكمايم موجودين
مصدر "كود" قال باللي لحد الان وصلنا ل9 معامل كيصايبوه كل واحد وطاقتو الانتاجية ولكن موجودة فالسوق.
وعلاش ما وصلاتش للمغاربة حتى فمدن بحال كازا؟ مصدر كود" قال باللي فاللول تم توزيع هاد الكمايم على المحلات التجارية لكبيرة. من لوزين لهاد المحلات. اللي خرج تباع. كانت حاجة اخرى وهي كانت كرطونات من 50 وحدة. دابا بدات استراتيجية اخرى فالتوزيع.
بالاضافة الى هاد المتاجر٬ تفاهمات الوزارة مع جوج شركات لحليب باش يوصل عند كاع مناطق المغرب ويكون فكاع لحوانت. هنا ولاو باكيات ديال 10 باش يكون البيع بالتقسيط