فضيحة فمرجان عين السبع. فوضى وزحام بسباب لكمايم

تجمهر المئات من المواطنين عند المدخل الرئيسي لمرجان عين السبع فكازا، وبسبب الإجراءات المتخذة واللي كتمنع دخول عدد كبير في نفس الوقت، وتعنت المواطنين وايضاً رجال الامن الخاص، خلقت فوضى كبيرة تجمر لمئات الأشخاص دون أخذ مسافة الأمان والاجراءات المتبعة للحد من انتشار فيروس كورونا.

بالاضافة للزحام لكبير ايضا مئات السيارات عند الباب الرئيسي بحسب ما افاد به شهود عيان الذي صرح ل "كود" "الزحام اللي كاين هاد الصباح على مرجان والروينة ماشي غير غادي تساهم في انتشار كورونا واخا تكون السيدا غادي تنتاشر، الناس كينقزو الحواجز، و شي داخل فشي ولا واحد بغى يحتارم المسافة الامنة".
هادشي بحسب ما توصلت به "كود" جزء كبير منو بسبب الكمامات بحيث ان المواطنين في عين السبع والحي المحمدي وسيدي مؤمن والبرنوصي ما لقاوش الكمامات لا في الحوانت ولا حتى في كارفور وبَقى مرجان عين السبع هو الوجهة الاخيرة.