جهات كازا والداخلة والعيون ما علنوش اليوم على الإصابات بالفيروس فالأقاليم ديالهم .. وها تفاصيل الإصابات فأقاليم الجهات الأخرى

المديريات الجهوية للصحة فكل من جهة كازا سطات وجهة العيون الساقية الحمرا وجهة الداخلة واد الذهب كَاع ما دارو الإحصاءات الرسمية ديال عدد الإصابات فالأقاليم ديالهم كيف دارو الجهات لوخرين هذ الصباح، احتراما لتوجيهات وزارة الصحة.
الوزارة هذي يوماين كانت طالبات جميع المديريات باش يحطو كَاع الإحصاءات بالتفاصيل جوج مرات فالنهار فرسم "آنفوكَرافيك" فالصفحة ديالهم ف"فيسبوك"، يعني يوميا مع 10 ديال الصباح ومع 6 ديال العشية، تزامنا مع التوقيت اللي كتعلن فيه وزارة الصحة على مجموع عدد الإصابات والوفيات والحالات اللي تعافاو، لكن مجموعة من المديريات مزال ما لتزمات بهذشي.
ومنذ إعلان الوزارة على هذشي، المديرية الجهوية ديال الداخلة واد الذهب عملات الإحصاءات ديالها فرسم آنفوكَرافي لبارح السبت مع 6 دالعشية، فالوقت اللي اقتصرات جهة العيون الساقية الحمرا غير على جدول فيه كَاع الإحصاءات ولبارح الجمعة مع 6 دالعشية، بينما كازا سطات ماحطات حتى إحصاء فالباج ديالها.
ووزارة الصحة سجلات اليوم، فالبوابة الرسمية ديال فيروس كورونا المستجد، بللي جهة كازا سطات وصلات ل779 حالة، العيون الساقية الحمرا 4 ديال الحالات، والداخلة واد الذهب 2، لكن المديريات ماعطاتش تفاصيل بخصوص الأقاليم.
أما بالنسبة للجهات التسعود الأخرى فهذي تفاصيل عدد الإصابات اللي سجلات فمختلف أقاليمها إلى حدود ال10 من صباح اليوم:
جهة بني ملال خنيفرة سجلات 58 حالة مؤكدة، 6 وفيات و10 حالات شفاء. وبالنسبة للحالات فعدد الأقاليم فتسجلات 3 فخنيفرة، 25 فخريبكَة، 3 فبني ملال، 9 فالفقي بنصالح، و20 فآزيلال.
وجهة درعة تافيلالت سجلات 83 حالة مؤكدة، 2 وفيات، و15 حالة شفاء. وبالنسبة للحالات فعدد الأقاليم فتسجلات 45 فميدلت، حالة وحدة فتنغير، 5 فالرشيدية، 28 فورززات، و4 فزاكَورة.
بالنسبة لجهة فاس مكناس، سجلات 401 حالة، 22 ماتو، و61 تشافاو. وبخصوص الحالات المسجلة فالأقاليم فتسجلات 232 ففاس، 96 فمكناس، حالة فالحاجب، حالة فمولاي عقوب، 7 فتاونات، 16 فإفران، 38 فتازة، 10 فصفرو، و0 حالة فبولمان.
جهة مراكش آسفي سجلات 720 حالة مؤكدة، منها 35 وفات، و52 حالة تعافي، وتوزعات على النحو التالي: مراكش 454، الرحامنة 215، قلعة السراغنة 2، شيشاوة 22، الصويرة 2، الحوز 25، اليوسفية وآسفي 0 حالة.
بالنسبة للجهة الشرقية، سجلات 148 حالة مؤكدة، الوفيات 8، واللي تشافاو 13. بالنسبة للتوزيع: وجدة أنكَاد 47، بركان 37، الناظور 39، الدريوش 7، كَرسيف 8، تاوريرت 9، وجرادة صفر حالة.
جهة الرباط سلا القنيطرة سجلات 268 إصابة، 10 وفيات و97 حالة شفاء، وبالنسبة للإصابات فالأقاليم فالرباط بلغات 113 إصابة، الخميسات 7، القنيطرة 22، الصخيرات تمارة 77، سيدي سليمان حالة واحدة، وسيدي قاسم صفر حالة.
بخصوص جهة سوس ماسة، سجلات 44 حالة، منها 5 وفيات و13 واحد تشافا، توزعات على أكادير إداوتانان ب21 حالة، إنزكَان آيت ملول ب16 حالة، طاطا ب4 حالاتد اشتوكة آيت باها ب2 حالات، تارودانت بحالة وحدة، وتيزنيت 0 حالة.
أما فيما يخص جهة طنجة تطوان الحسيمة، فسجلات 312 حالة، 14 لوفات و42 واحد تشافا، وبالنسبة للتوزيع فطنجة أصيلة سجلات 215، تطوان 57، العرايش 26، وزان 1، الحسيمة 13، أما شفشاون والمضيق الفنيدف وفحص أنجرة ماسجلو حتى إصابة.
أما جهة كَلميم واد نون، سجلات حالة وحدة مؤكدة فكَلميم، وهذ الحالة تم الشفاء ديالها.
وبالنسبة للمجموع إحصائيات الإصابات بكورونا فكَاع الأقاليم، وصل العدد الإجمالي هذ الصباح ل2820 مصاب، 135 توفاو و322 تشافاو.
وطبعا هذ الأرقام غادي تتبدل مع ظهور إصابات جديدة اليوم، منين يعلن عليها مدير مديرية الأمراض والأوبئة محمد اليوبي فالندوة الصحافية اليوم مع الستة، "كود" غتوافيكم بكَاع التفاصيل داك الساعة.