أكبر حصيلة دالإصابات بكورونا تسجالات فجهة كازا والرباط.. وها باقي تفاصيل الحالة الوبائية فالأقاليم

علنو جميع المديريات الجهوية على التفاصيل المتعلقة بالحصيلة الوبائية لفيروس كورونا المستجد فالأقاليم ديالهم فهذ 24 ساعة الأخيرة، باستثناء مديرية جهة كازا سطات ومديرية الرباط سلا القنيطرة ومديرية مراكش آسفي اللي بقاو معطلين.
وحسب المعطيات الرسمية المتوفرة، فجهة الرباط سلا القنيطرة سجلات أكبر عدد دالإصابات هذ لنهار (74 إصابة)، تابعا جهة كازا سطات ب34 إصابة، ثم جايا من بعدهم جهة فاس مكناس ب31 إصابة اليوم.
أما بالنسبة لحصيلة الإصابات الجديدة فجهتي فكازا وفالرباط، فكتتعلق بالمعطيات اللي علنات عليهم الوزارة فالموقع ديالها هذ الصباح، خيت فالعشية ماعلناتش عدد الإصابات الجهوية، وكتفات غير بالنسب المئوية، ومن النحتمل جدا الحصيلة ديال الجهتين تكون ارتفعات، لكن لحد كتابة هذ الاسطر مازال ماتعلن على والو.
الوفيات بجوج اللي تسجلو اليوم، فوافات وحدة سجلاتها جهة طنجة تطوان الحسيمة، وتحديدا فإقليم طنجة، ومن المحتمل تكون الوفاة الثانية مسجلة فوحدة من الجهات اللي مازال ماعلنات على التفاصيل.
ولبارح كان خلط فالأرقام ديال الوفيات الجديدة بين الوزارة دالصحة والمديريات، بحيث الوزارة علنات غير على 2، فيحين المديريات علنات على ربعة، ولحد الساعة ماكاين حتى شي توضيح من طرف الوزارة علاش كاين هذ الخلط فالأرقام، خصوصا وأن هذ جوج وفيات ماتزادوش مع وفيات اليوم، وظهرات وفاة جديدة فطنجة.
بالنسبة للجهات اللي ما عرفات حتى شي تغيير فحصيلتها الوبائية، فعندك جهة العيون الساقية الحمرا، وجهة الداخلة واد الذهب، وحتى الجهة الشرقية اللي عرفات تعافي ربعة دالناس.
وهذي باقي التفاصيل الرسمية المتوفرة بشأن عدد الإصابات فالأقاليم والجهات:
جهة كازا سطات: جات فالمركز اللول ب 1405 حالة (43+) – 46 وفاة – 324 شفاء.
الأقاليم: المحمدية 84، النواصر 54، مديونة 54، سطات 49، الجديدة 15، برشيد 14، بنسليمان 0، سيدي بنور 0.
عمالات كازا (1092 إصابة فالمجموع): البرنوصي 306، عين السبع الحي المحمدي 232، آنفا 199، مولاي رشيد 105، عين الشق 87، بن مسيك 61، الفدا 53، الحي الحسني 49.
آخر تحديث: لبارح الثلاثاء مع 16:00.(باستثناء مجموع الإصابات فالجهة اللي علنات عليه المديرية اليوم مع 10:00)
جهة مراكش آسفي: جات فالمركز الثاني ب1091 حالة (12+) – 50 وفاة – 588 شفاء.
الأقاليم: مراكش 804، الرحامنة 203، الحوز 47، شيشاوة 24، قلعة السراغنة 10، الصويرة 2، آسفي 1، اليوسفية 0.
آخر تحديث: لبارح الثلاثاء مع 16:00.(باستثناء مجموع الإصابات فالجهة اللي علنات عليه المديرية اليوم مع 10:00)
جهة طنجة تطوان الحسيمة: جات فالمركز الثالث ب760 حالة (21+) – 24 وفاة (1+) – 188 شفاء (9+).
الأقاليم: طنجة 550 (17+)، العرايش 123 (4+)، تطوان 74، الحسيمة 13، وزان 1، شفشاون 0.
آخر تحديث: اليوم الأربعاء مع 16:00.
جهة فاس مكناس: جات فالمركز الرابع ب707 حالة (31+) – 26 وفاة – 321 شفاء (14+).
الأقاليم: فاس 486 (29+)، مكناس 115، تازة 55، إفران 20، صفرو 14، تاونات 9 (1+)، مولاي عقوب 6 (1+)، الحاجب 2.
آخر تحديث: اليوم الأربعاء مع 16:30.
جهة درعة تافيلالت: جات فالمركز الخامس ب557 حالة (6+)- 4 وفاة – 229 شفاء (8+).
الأقاليم: ورززات 479 (5+)، ميدلت 47، زاكَورة 13 (1+)، تنغير 10، الرشيدية 7.
آخر تحديث: اليوم الأربعاء مع 16:00.
جهة الرباط سلا القنيطرة: جات فالمركز السات ب 453 حالة (74+) – 11 وفاة – 234 شفاء.
الأقاليم: الرباط 166، سلا 146، الصخيرات تمارة 99، القنيطرة 34، الخميسات 7، سيدي سليمان 1، سيدي قاسم 0.
آخر تحديث: لبارح الثلاثاء مع 16:00.(باستثناء مجموع الإصابات فالجهة اللي علنات عليه المديرية اليوم مع 10:00)
الجهة الشرقية: جات فالمركز السابع ب 175 حالة – 8 وفاة – 95 شفاء (4+).
الأقاليم: وجدة أنكَاد 68، الناظور 40 ، بركان 39، الدريوش10، تاوريرت 9، كَرسيف 8، فكَيكَ 1، جرادة 0. (لا جديد)
آخر تحديث: اليوم الأربعاء مع 16:00.
جهة بني ملال خنيفرة: جات فالمركز الثامن ب 87 حالة (2+) – 7 وفاة – 32 شفاء (4+).
الأقاليم: آزيلال 38 (2+)، خريبكَة 27، الفقي بنصالح 13، بني ملال 8، خنيفرة 1.
آخر تحديث: اليوم الأربعاء مع 16:00.
جهة سوس ماسة: جات فالمركز التاسع ب 56 حالة (4+) – 7 وفاة – 26 شفاء (1+).
الأقاليم: أكادير إداوتاوتنان 23، إنزكَان آيت ملول 26 (4+)، طاطا 4، اشتوكة آيت باها 2، تارودانت 1، وتيزنيت 0.
آخر تحديث: اليوم الأربعاء مع 16:00.
جهة كَلميم واد نون: جات فالمركز العاشر ب 40 حالة (1+)، 0 وفاة – 19 شفاء.
الأقاليم: كَلميم 39 (1+) – آسا زاكَ 1.
آخر تحديث: اليوم الأربعاء مع 16:00.
جهة العيون الساقية الحمرا: جات فالمركز حضاش ب 4 حالات – 0 وفاة – 4 شفاء.
الأقاليم: بوجدور 4، الأقاليم الأخرى 0 (لا جديد).
آخر تحديث: اليوم الأربعاء مع 16:00.
جهة الداخلة واد الذهب: جات فالمركز اللخر ب 2 حالات – 0 وفاة – 2 شفاء.
الأقاليم: واد الذهب 2، الأقاليم الأخرى 0. (لا جديد)
آخر تحديث: اليوم الأربعاء مع 16:00.
و"كود" غاتوافيكم بمعطيات الجهات الثلاث اللي بقاو فاش يعلنو عليها.
وللإشارة، تسجلات فالمغرب من نهار بان الوباء 5408 دالحالات، منهم 183 ماتو و2017 تشافاو.