المديريات الجهوية للصحة فالمغرب مابقات علنات على تفاصيل الإصابات بفيروس كورونا المستجد فالأقاليم ديالها فالصفحة الرسمية ديالها فالفيسبوك، وحتى شي مديرية موضحات السبب، فالوقت اللي كانت الوزارة علماتهم باش يعطيو معطيات على عدد هذشي، بالإضافة لتفاصيل بشأن حالات الوفاة والشفاء، جوج مرات فالنهار. المواطنين عبرو على الغضب ديالهم فالتعليقات على المنشورات ديال المديريات الجهوية اللي ماعلناتش على التفاصيل ف"فيسبوك"، وطالبوها باش ترجع توافيهم بكَاع المعطيات باش يكونو على علم بآشنو واقع فالمحيط ديالهم. واليوم جهة فاس مكناس هي الوحيدة اللي علنات على هذ التفاصيل، بينما أعداد الإصابات بالفيروس فالجهات الأخرى كاينة فقط فالموقع الإلكتروني لرصد الوضعية الوبائية دالفيروس فالمغرب. ومن خلال المعطيات اللي متوفرة فالموقع المذكور، فجهة مراكش آسفي هي اللي سجلات أكبر عدد من الإصابات اليوم، حيت سجلات 19 إصابة (843 فالمجموع)، تابعاها جهة طنجةتطوانالحسيمة ب13 لإصابة (544 فالمجموع)، ثم كازا سطات ب7 إصابات جديدة (1075 فالمجموع) وكلميم وادنون ب6 إصابات جديدة (6 فالمجموع)، وعاد فاس مكناس ب5 جداد (520 فالمجموع)، والرباطسلا القنيطرة بجوج إصابات (306 إصابة فالمجموع) وفالأخير درعة تافيلالت بإصابة وحدة (494 إصابة فالمجموع)، بينما الجهات الأخرى ما سجلات حتى شي إصابة. وبالنسبة لجهة فاس مكناس، اللي كتجي فالمركز الرابع على مستوى عدد الإصابات بالفيروس، فهذو هوما آخر الأرقام اللي علنات عليهم اليوم: 520 حالة (+5) – 24 وفاة – 107 شفاء، وبالنسبة للأقاليم: فاس 329 (+4)، مكناس 105 (+1)، تازة 43، إفران 19، صفرو 11، تاونات 7، مولاي عقوب 5، الحاجب 1، بولمان 0. وها آخر المستجدات ديال الأقاليم الأخرى: المركز الأول: جهة كازا سطات: 1075 حالة (+7). (بدون تفاصيل بالنسبة للوفيات وحالات الشفاء وتفاصيل الإصابات فالأقاليم). المركز الثاني: جهة مراكش آسفي: 843 حالة (+19) – 42 وفاة – 142 شفاء. الأقاليم: مراكش 525، الرحامنة 222، الحوز 38، شيشاوة 25، قلعة السراغنة 5، الصويرة 2، آسفي 1، اليوسفية 0. آخر تحديث: لبارح الأحد مع 10:00 (باستثناء عدد الإصابات فالجهة اللي علنات عليه الوزارة فموقعها). المركز الثالث: جهة طنجةتطوانالحسيمة: 544 حالة (+13) – 17 وفاة – 77 شفاء (+7). الأقاليم: طنجة 360، العرايش 90، تطوان 65، الحسيمة 13، وزان 1، شفشاون 0. آخر تحديث: لبارح الأحد مع 16:00 (باستثناء عدد الإصابات فالجهة اللي علنات عليه الوزارة فموقعها). المركز الخامس: جهة درعة تافيلالت: 494 حالة (+1) – 3 وفاة – 28 شفاء. الأقاليم: ورززات 428، ميدلت 46 ، الرشيدية 5، زاكَورة 13، تنغير 1. آخر تحديث: لبارح الأحد مع 10:00 (باستثناء عدد الإصابات فالجهة اللي علنات عليه الوزارة فموقعها). المركز السادس: جهة الرباطسلا القنيطرة: 306 حالة (+2)- 11 وفاة – 139 شفاء. الأقاليم: الرباط 119، الصخيرات تمارة 90، سلا 64، القنيطرة 23، الخميسات 7، سيدي سليمان 1، وسيدي قاسم 0. آخر تحديث: اليوم الأحد مع 10:00 (باستثناء عدد الإصابات فالجهة اللي علنات عليه الوزارة فموقعها). المركز السابع: الجهة الشرقية: 175 حالة – 8 وفاة – 42 شفاء. الأقاليم: وجدة أنكَاد 86، الناظور 39 ، بركان 39، الدريوش10، تاوريرت 9، كَرسيف 8، فكَيكَ 1، جرادة 0. آخر تحديث: لبارح الأحد مع 10:00. (لا جديد) المركز الثامن: جهة بني ملال خنيفرة: 78 حالة – 6 وفاة – 16 شفاء. الأقاليم: خريبكَة 26، آزيلال 33، الفقي بنصالح 13، بني ملال 4، خنيفرة 1. آخر تحديث: ولبارح السبت مع 10:00. (لا جديد) المركز التاسع: جهة سوس ماسة: 50 حالة – 6 وفاة – 16 شفاء. الأقاليم: أكادير إداوتاوتنان 22، إنزكَان آيت ملول 21، طاطا 4، اشتوكة آيت باها 2، تارودانت 1، وتيزنيت 0. آخر تحديث: لبارح الأحد مع 10:00. (لا جديد) المركز العاشر: جهة كَلميم واد نون: 29 حالة (+6) – 0 وفاة – 1 شفاء. الأقاليم: كَلميم 22، الأقاليم الأخرى 0. آخر تحديث: اليوم الأحد مع 10:00 (باستثناء عدد الإصابات فالجهة اللي علنات عليه الوزارة فموقعها). المركز حضاش: جهة العيون الساقية الحمرا: 4 حالات – 0 وفاة – 4 شفاء. الأقاليم: بوجدور 4، الأقاليم الأخرى 0. آخر تحديث: ولبارح السبت مع 16:00. (لا جديد) المركز تناش: جهة الداخلة واد الذهب: 2 حالات – 0 وفاة – 1 شفاء. الأقاليم: واد الذهب 2، الأقاليم الأخرى 0. آخر تحديث: اليوم الأحد مع 16:00. (لا جديد) وفهذ 24 ساعة الأخيرة، تسجلات غير 55 إصابة جديدة بفيروس كورونا المستجد فالمغرب، وهكذا وصل عدد المصابين الإجمالي المغرب ل4120، منهم 162 ماتو، و695 تشافاو.
