أمزازي: ها علاش قررنا تمون الامتحانات فشتنبر.. والمحدد الأساسي كيبقا هو تطور الوضعية الوبائية

كشف سعيد أمزازي، وزير التربية الوطنية والتكوين المهني والتعليم العالي والبحث العلمي، اليوم الثلاثاء بمجلس المستشارين، أن المحدد الأساسي ديال لقراية وتواريخ الامتحانات هو تطور الوضعية الوبائية في بلادنا.
واشار الوزير أمزازي أن القرارات تكون بتنسيق مع رئيس الحكومة، ووزير الصحة والداخلية، مؤكدا أن وزارته مايمكنش تدير شي حاجة بدون الاستشارة والتنسيق مع هاد القطاعات الحكومية.
وأكد المسؤول الحكومي، خلال جلسة الأسئلة الشفوية، أنه تم الاقتصار الآن فقط على الامتحانات ديال الباك، مجددا تأكيده على أن التعليم عن بعد لا مفر منه وغادي يتم بمنهجية عملية .
وأضاف: "حنا اكدنا على اهمية شهر شتنبر باش يكون الاستدراك والدعم للتلاميذ، وباش تكون مواكبة للسنة الجاية في احسن الظروف، ووزارة الصحة تبين ليها أن هاد الشهر مزيان".
وأبرز أيضا أن عدد الأمور كاينة اللي غادي ترافق التهييء ديال الامتحانات باش ميحسوش التلاميذ بضغط نفسي أو نقص، ودبا الموسم الدراسي غادي يتم حتى لأواخر شهر يونيو، وخاص كولشي يعاونا، من قبيل الآباء وأوليات التلاميذ وجميع المتدخلين.