واش خدامين عند بوك يا العقلية الاستعمارية؟ سفيرة فرانسا فالرباط بعجرفة وتكبر"شكرا بنموسى قدمتي لي ملخص على مرحلة عمل اللجنة" ومصدر ل"كود": اللي دار معاها دار مع بحالها والتقرير كيتقدم لرئيس الدولة بوحدو لا غيرو

سفيرة فرنسا في الرباط ايلين لوگال ماشي غير متعجرفة ومتكبرة بل مكلخة. دارت تدوينة قالت شكرات فيها شكيب بنموسى رئيس اللجنة الخاصة بالنموذج التنموي حقاش "قدم" لسعادتها "هاد الصباح تقيم لمرحلة عمل اللجنة". دابا هاد السفيرة ما كتحشمش.
وفق مصدر ل"كود" فان لقاء بنموسى اللي هو مازال سفير المغرب فباريس٬ جا فاطار لقاءات تشاورية دارتهم اللجنة مع مؤسسات اجنبية بحال منظمة التعاون والتنمية الدولية ومع سفراء اجانب.. وان اللقاء يشرح مصدر "كود" كان بتقنية الفيزيوكونفيرونس بسباب حالة الطوارئ الصحية وباللي هي اللي طلباتو ماشي اللجنة اللي مشات عندها.
مصدر اخر استغرب فتصريح ل"كود" عدم معرفة سفيرة بتقاليد عمل المؤسسات واللجان. هادي لجنة دارها الملك باش توجد مشروع للنموذج التنموي بالمغرب٬ يعني انها عارفة وكلشي عارف باللي تقديم اي حاجة ما كتكون الا لرئيس الدولة.
ثم حاجة اخرى٬ يشرح مصدر "كود"٬ هو كيفاش البارح الخميس 4 يونيو الملك واقف ب"تمديد المهلة التي تم تحديدها للجنة الخاصة بالنموذج التنموي لمدة ستة أشهر إضافية" واليوم هادي تجي وتقول داك الشي اللي قالتو فتدوينتها.
هاد السفيرة ناض معاها مشاكل. باين عليها عقلية استعمارية كتمثل اليمين المتطرف