كيفاش مسخوط سيدنا وزير السياحة السابق كيسب فمدير مديرية الاوبئة. حداد يتاهم اليوبي ب"المدفوع" اللي باغي بلاصة لوزير

حاجيتكم ماجيتكم على واحد لوزير كان كيتاصل بالصحافيين ومازال باش يهدر فاي حاجة وقعات فالعالم كيفما كان موضوعها. هاد لوزير عاقبو الملك ومنعو يتقلد شي منصب مستقبلا. خرج فاذاعة خاصة كازاوية باش يهاجم محمد اليوبي مدير مديرية الاوبئة بوزارة الصحة ويتاهمو باللي كيضحك وزير الصحة وباللي مدفوع وباللي باغي ياخد بلاصتو.
شكون هاد لوزير؟ كلشي غاديين تعرفوه. انه لحسن حداد. كان وزير للسياحة فحكومة بنكيران. جا زلزال الحسيمة وتقرر انو مع شي وحدين٬ ما عمرهم ياخذو شي منصب فالدولة. اييه.
فنفس الحلقة حاول يدافع على المكلف بالتواصل بوزارة الصحة اللي دار زبلات كثار. لحسن الحظ كان عبد العزيز الرماني الصحافي الصحافي الباحث المتخصص فالاقتصاد الاجتماعي والتضامني اللي كان كينشط الحلقة اللي شرح ليه وفسر ليه ولكن والو.
دابا واش هادا ما كيحشمش. يجي لاذاعة ام اف ام لكمال لحلو فبرنامج "ديكريبطاج" باش يهدر على اش نا هي مهمة وزير.
انت غاضب عليه سيدنا اش داك تهدر علي هاد الموضوع. بحالك يمشي يحشم على عراضو.
اللي خاصو تجباد لوذينو هو كمال لحلو باطرون الاذاعة اللي هو صديقك اللي محتاضن مسخوط سيدنا.