الحصيلة الوبائية لفيروس كورونا فهاد 24 ساعة: 71 تصابو و72 تشافاو وواحد مات.. الطوطال: 8508 مصاب و7565 متعافي و211 متوفي .. والإصابات اللي تسجلات اليوم كلها عند المخالطين

علنات وزارة الصحة على تسجيل 71 إصابة جديدة بفيروس كورونا المستجد فهذ 24 ساعة الأخيرة، وهكذا وصل عدد المصابين فالمجموع ل8508، أي بمعدل 23,4 لكل 100 ألف نسمة.
وقال معاذ المرابط، منسق المركز الوطني لعمليات الطوارئ العامة بوزارة الصحة، فالندوة اليومية للترصد الوبائي لفيروس كورونا المستجد، أنه تسجلات 72 حالة شفاء اليوم، ووصل المجموع ل7565 حالة، أي بنسبة تعافي ديال 88,9 فالمية.
وتسجلات وفاة جديدة وحدة فكازا، وهكذا وصل المجموع ل211 ، واستقرات نسبة الإماتة ف2,5 فالمية.
والحالات النشيطة بلغ عددها 732 حالة فقط، أي بمعدل 2 لكل 100 ألف نسمة، أغلب هذ الإصابات كتتوزع فكازا سطات (246)، ومراكش آسفي ب188، ثم طنجة تطوان ب152 حالة نشيطة، و88 حالة بالرباط سلا القنيطرة، بينما جهة درعة تافيلالت والداخلة واد الذهب خاليين من الحالات النشيطة.
وكشف المرابط أن جهة مراكش آسفي هي اللي سجلات اليوم أعلى حصيلة ب30 حالة تكتشفو فجوج بؤر عائلية سابقة، بعدها كتجي جهة طنجة تطوان ب22 حالة من خلال بؤر مهنية ومخالطين مختلفين، ثم جهة كازا سطات اللي سجلات 12 إصابة فصفوف مخالطين، وجهة الرباط سلا اللي سجلات 7 حالات.
والإصابات كلها اللي تسجلات اليوم تكتشفات عن طريق عملية تتبع المخالطين، وهكذا وصل مجموع المخالطين ل49335 من بداية الوباء، وبلغ عدد اللي مازالين تحت المراقبة دابا 6771 مخالط.
واليوم تستبعدات 16409 حالة إصابة بالفيروس، ووصل المجموع ل347543 بعد ما خرجات تحاليلهم سلبية.
بالنسبة للحالات اللي كاينين فالإنعاش فكيبلغ العدد ديالهم 7، أغلبيتهم كاينين فطنجة تطوان (4) ثم 3 اللي بقاو كاينين فكازا، و4 من هذ السبعة تحت التنفس الاصطناعي.
وهذا التوزيع الجغرافي للإصابات بالنسبة المئوية: