الحصيلة الوبائية لفيروس كورونا فهاد 24 ساعة: 78 تصابو و44 تشافاو وحتى واحد ما مات.. و686 اللي تحت العلاج والمغرب هو اللول فعدد التحاليل فشمال إفريقيا

علنات وزارة الصحة على تسجيل 78 إصابة جديدة بفيروس كورونا المستجد فهذ 24 ساعة الأخيرة، أي من الستة دلعشية لبارح الأحد حتى للستة دالعشية اليوم الاثنين، وهكذا وصل عدد المصابين فالمجموع ل8302.
وقال معاذ المرابط، منسق المركز الوطني لعمليات الطوارئ العامة بوزارة الصحة، فالندوة اليومية للترصد الوبائي لفيروس كورونا المستجد، أنه تسجلات 44 حالة شفاء اليوم، ووصل المجموع ل7408، بنسبة تعافي ديال 89,2 فالمية.
وما تسجلات حتى وفاة اليوم، واستقر الطوطال ف208 ، أي بنسبة إماتة ديال 2,5 فالمية.
والحالات النشيطة بلغ عددها 686 حالة، أي بمعدل 1,9 لكل 100 ألف نسمة، وأغلب هذ الإصابات كتتوزع فكازا سطات (257)، ثم طنجة تطوان ب134، ومراكش آسفي ب135 حالة نشيطة، بينما جهة درعة تافيلالت والداخلة واد الذهب ولاو خاليين من الحالات النشيطة، وكذلك الحال بالنسبة ل45 إقليم فالمغرب.
واليوم تم استبعاد 16672 حالة إصابة بالفيروس، ووصل عدد الحالات المستبعدة فالمجموع ل314401 بعد ما خرجات تحاليلهم نيگاتيف، وهكذا المغرب وصلل للرتبة الأولى فشمال إفريقيا على مستوى عدد التحاليل.
وجهة مراكش آسفي هي اللي سجلات أكبر عدد ديال الإصابات اليوم (30)، كتجي بعدها الرباط سلا القنيطرة ب28 حالة، وكازا سطات ب10 حالات، ثم طنجة تطوان الحسيمة ب4 حالات، وبني ملال خنيفرة والجهة الشرقية بجوج حالات فكل وحدة فيهم، ثم فالأخير جهة فاس مكناس وجهة گلميم وادنون بإصابة وحدة فكل وحدة.
ومن هذ 78 إصابة اللي تسجلات اليوم، تم اكتشاف 68 عن طريق عملية تتبع المخالطين (87%)، وهكذا وصل مجموع المخالطين مند بداية كورونا فالمغرب، ل49096، وبلغ عدد الحالات تحت المراقبة ل6977 مخالط.
ومازال 15 حالة فالإنعاش، أغلبيتهم كاينين فكازا (8)، و3 فمراكش، و4 فطنجة.
وهذا التوزيع الجغرافي للإصابات بالنسبة المئوية: