سجل المغرب اليوم السبت، وللمرة الثانية، أكبر عدد ديال الوفيات اليومية بفيروس كورونا المستجد لحد الآن، بحيث ماتو 19 الواحد، 9 منهم فكازا و5 فطنجة و2 ففاس ووفاة وحدة فكل من مراكش ومكناس والحوز، وهكذا وصل المجموع ل480. بالنسبة للإصابات، قال المسؤول على قسم الطوارئ فوزارة الصحة، معاذ المرابط، أن 1345 تقاسو بالفيروس، وهكذا وصل الطوطال ل32007، بمعدل إصابة تراكمي كيساوي 88 لكل 100 ألف نسمة. وفهاد 24 ساعة، معدل الإصابة التراكمي وصل ل4 لكل مئة ألف نسمة، وكيختلف من جهة لجهة، بحيت 7 اشخاص من أصل 100 ألف نسمة تقاسو بالفيروس فجهة مراكش آسفي، و6 فكازا و4 ففاس مكناس، ثم 3 فكل من طنجةتطوان ودرعة تافيلالت، و2 حالات لكل 100 ألف نسمة فجهة الرباطسلا القنيطرة. بالنسبة للمدن اللي سجلات أكبر معدل إصابات فكل 100 ألف نسمة فهاد 24 ساعة الأخيرة، فكتجي فالمركز الأول مراكش ب21 لكل مئة ألف نسمة، ثم صفرو ب11، ثم الراشيدية وكازا ب10، ووزان 9، وفاس 8، وسطات وطنجة 7، ومكناسوالرباط 5، ثم بني ملال وسلا ب4 إصابات. أما بخصوص التوزيع الجغرافي ديال الحالات اللي تسجلات اليوم فهو كالآتي: جهة كازا سطات 432: (366 كازا، 44 سطات، 11 المحمدية، 4 سيدي بنور، 2 بكل من النواصر وبنسليمان والجديدة، وحالة واحدة فبرشيد) جهة طنجةتطوانالحسيمة 131: (81 طنجة، 26 وازان، 17 الفحص الأنجرة، 6 تطوان، وحالة واحدة فالمضيق الفنيدق) جهة فاس مكناس 194: (100 فاس، 48 مكناس، 33 صفرو، 6 بولمان، 4 تازة، 2 الحاحب، وحالة واحدة فتاونات) جهة الرباطسلا القنيطرة 101: (46 سلا، 25 رباط، 10 تمارة، 7 سيدي قاسم، 6 القنيطرة والخميسات، وحالة واحدة فسيدي سليمان) جهة مراكش آسفي 354: (309 مراكش، 14 اليوسفية، 13 آسفي، 8 فالرحامنة والصويرة، وحالة واحدة فكل من قلعة السراغنة والحوز). جهة درعة تافيلالت 49: (45 الرشدية، و2 فكل من تينغير وزاكَورة) الجهة الشرقية 22: (8 فالناظور و5 فوجدة وجرادة ثم 2 فتاوريرت وكرسيف) جهة بني ملال خنيفرة 40: (26 فبني ملال، 9 خريبكَة، 4 آزيلال، وحالة واحدة فالفقيه بنصالح) جهة سوس ماسة 11: (6 أكادير، 3 إنزكَان، 1 فكل من طاطا وتارودانت) جهة الداخلة واد الذهب 7: (بالداخلة) جهة العيون الساقية الحمرا 2: (بالعيون) جهة كَلميم وادنون 2: (بكَلميم) وتشافاو اليوم 642 واحد، ووصل المجموع ل22190، بنسبة تعافي ديال 69,3 فالمئة. والحالات النشيطة بلغ عددها 9337، أي بمعدل 26 واحد لكل 100 ألف نسمة، بحيث جهات كازا سطات وطنجةتطوانالحسيمة وفاس مكناس ومراكش آسفي كيتعالجو فيها أكثر من 1000 إصابة، والرباطسلا القنيطرة وبني ملال خنيفرة ودرعة تافيلالت والجهة الشرقية فيها أقل من 1000، بينما جهات الداخلة واد الذهب وسوس ماسة والعيون الساقية الحمرا وكَلميم وادنون فيها أقل من 100. و122 من الحالات اللي كتعالج فحالة خطيرة، منهم 40 تحت التنفس الاصطناعي، وكيتواجدو 44 منهم فكازا سطات (27 تحت التنفس الاصطناعي)، و32 فمراكش آسفي، و20 فطنجةتطوانالحسيمة (منهم 2 تحت التنفس الاصطناعي)، و12 ففاس ومكناس (منهم 5 تحت التنفس الاصطناعي ففاس)، و11 فالرباط (منهم 4 تحت التنفس الاصطناعي)، و3 حالات فسوس ماسة. و 72 فالمية من الحالات اللي بانو اليوم، أي 968 تحديدا، تم اكتشافها عن طريق تتبع المخالطين، اللي وصلو فالمجموع ل133707، منهم 20 ألف باقيين تحت المراقبة. واليوم تستبعدات 21131 حالة إصابة بالفيروس، ووصل مجموع ل1395628 خرجات تحاليلهم سلبية. وهذا التوزيع الجغرافي للحالات بالنسبة المئوية:
