هادشي كيخلع. المغرب حطم للمرة الثالثة متابعة الروكور فعدد الوفيات اليومية بكورونا.. 19 ماتو اليومر و659 تصابو و533 تشافاو.. الطوطال: 401 ماتو و26196 تصابو و18968 تشافاو

للمرة الثالثة على التوالي، المغرب كيحط الروكور فعدد الوفيات الجديدة بفيروس كورونا المستجد، بحيث فظرف 24 ساعة تسجلات 19 حالة وفاة، منها 8 حالات بطنجة و3 فكل من كازا ومراكش و2 ففاس ووحدة فالرباط، وهكذا وصل مجموع حالات الوفاة فالمغرب منذ بداية الوباء ل401 حالة.
بالنسبة للإصابات بالفيروس، قال المسؤول على قسم الطوارئ فوزارة الصحة، معاد المرابط، أنه تسجلات اليوم 659 حالة، فظرف 24 ساعة، وهكذا وصل عدد المصابين فالمجموع ل26196، أي بمعدل 72 لكل 100 ألف نسمة.
وتوزعات الإصابات الجديدة على الجهات والمدن كما يلي:
جهة فاس مكناس 225 (201 بفاس، 13 مكناس، 4 فإفران، 3 فصفرو، 2 بمولاي عقوب، وحالة فكل من تازة وتاونات).
جهة طنجة تطوان الحسيمة 180 (154 فطنجة، 10 فتطوان، 6 فالمضيق الفنيدق، 5 فالحسيمة، 3 فوازان، وحالة واحدة فكل من العرايش ووزان)
جهة كازا سطات: 89 حالة (77 فكازا و12 فبرشيد)
جهة الرباط سلا القنيطرة: 54 (30 فتمارة، 9 فكل من سيدي قاسم والرباط، و2 فكل من سلا وسيدي سليمان وسيدي قاسم)
جهة مراكش آسفي 44 (بمراكش)
جهة درعة تافيلالت 33 (24 فالراشيدية، 5 فتنغير، 2 فورزازات، و2 فميدلت)
جهة بني ملال خنيفرة 20 (بني ملال 17، وآزيلال 3)
الجهة الشرقية 11 (6 فتاوريرت، 3 فوجدو وحالة واحدة فكل من الدريوش وكَرسيف)
جهة الداخلة واد الذهب 2 (فالداخلة)
جهة سوس ماسة 1 (فأكادير)
بالنسبة لحالات الشفاء، تسجلات 533 حالة تعافي، ليصل إجمالي حالات الشفاء إلى 18968، بنسبة تعافي تناهز 72,4 فالمئة.
والحالات النشيطة بلغ عددها اليوم 6827 حالة، بنسبة 19 شخص لكل 100 ألف نسمة، وهو حسب المرابط أعلى معدل منذ بداية الوباء، وكتتوزع هذ الحالات على الجهات على النحو التالي:
جهة طنجة تطوان الحسيمة 1955
جهة فاس مكناس 1847
جهة كازا سطات: 1545
جهة مراكش آسفي 576
جهة الرباط القنيطرة 456
جهة درعة تافيلالت 138
جهة بني ملال خنيفرة 76
الجهة الشرقية 88
جهة الداخلة واد الذهب 52
جهة سوس ماسة 35
جهة العيون الساقية الحمرا 8
جهة كَلميم وادنون 1
بالنسبة للحالات اللي فالإنعاش، كاينة 79 حالة خطيرة، وهذ الحالات كتتوزع على الجهات على النحو التالي: كازا سطات 24 (7 منهم تحت التنفس الاصطناعي)، مراكش آسفي 19، طنجة 16 (2 تحت التنفس الاصطناعي)، فاس مكناس 11 (2 تحت التنفس الاصطناعي)، 7 حالات فالرباط (3 تحت التنفس الاصطناعي) و2 حالات فسوس ماسة.
بالنسبة للمعدل التراكمي اللي سجلو الفيروس فهذ 24 ساعة الأخيرة فواصل ل2 لكل 100 ألف نسمة، وبالنسبة للمدن اللي عندها أعلى معدل تراكمي فهذ 24 ساعة هي: فاس ب16 شخص لكل 100 ألف نسمة، ثم طنجة ب13، وراشدية ب6 أشخاص، وتمارة 4، ومراكش وبني ملال 3 لكل منهما، و2 فكازا.
ومنظومة تتبع المخالطين مكنات لحد الآن من رصد 123067 مخالط، مزال منهم 16226 تحت المراقبة.
واليوم تستبعدات 21008 حالة إصابة، ووصل المجموع ل1290665 بعد ما خرجات تحاليلهم سلبية.
وهذا توزيع الإصابات فالجهات حسب النسبة المئوية: