وزارة البيئة ردات على انتقاد الجمعويين لقرارات تحديد لائحة النفايات المسموح باستيرادها: المغرب ديما كيستورد النفايات واستورد 600 ألف طن غير هذي 3 سنين.. وهذ النفايات كتتدور وكتفيدنا فالصناعة والطاقة.. ومازال عندنا خصاص ومحتاجينها

خرجات وزارة الطاقة والمعادن والبيئة على الصمت ديالها من بعد الضجة اللي تثارت بعد نشر القرار 1339.20 المتعلق بتحديد لائحة النفايات غير الخطرة التي يمكن الترخيص باستيرادها، والقرار 1340.20 المتعلق بتطبيق بعض مقتضيات المرسوم 2.17.587 بتحديد شروط وكيفيات استيراد النفايات وتصديرها وعبورها.
وأكدات الوزارة، فبيان توضيحي ليها حصلات "كود" على نسخة منو، أن ملتزم بعدم قبول استيراد النفايات السامة المضرة بالبيئة وغير الخاضعة للمعايير الوطنية، وأن المغرب منذ سنوات طويلة كيستورد النفايات غير السامة اللي كتستخدم فالصناعات التحويلية.
ووضحات الوزارة أنه فالفترة ما بين 2016 و2019 المغرب استودر 600 ألف طن من هذ النفايات، واللي كتعتبر، بالدرجة الأولى، "موادا أولية طاقية وكتصلاح للصناعات مثل النسيج والبلاستيك والورق والمعادن، وواخا هكذاك المغرب كياخد منها غير نسبة قليلة حيت كيتسابقة عليها الشركات الدولية المهتمة بالتدوير او ما يعرف ب"الاقتصاد الأخضر الدائري".
وقالت الوزارة أن القرار كيأطر استيراد هذ النفايات، وماشي كيرخص باستيرادها، حيت الاستيراد كاين منذ سنوات، والقرارين غادي ينظمو هذ العملية، وكاينة مسطرة جد دقيقو للحصول على رخصة استيراد التفايات، كتتضمن مجموعة من الإجراءات الوقائية اللي كتفرض ضمانة مالية على الشركات العاملة في هذا الميدان وإلزامها بتقديم بطاقة تقنية لتعريف هذه النفايات ووثيقة التحاليل المخبرية وشهادة الموافقة البيئية.
من جهة أخرى، كشفات الوزارة أن المغرب صدر 11 ألف و600 طن من النفايات المغربية، لكن النفايات اللي صالحة للبلاد كيتم تدويرها والاستفادة منها، لكنها فالمقابل مكتسدش حاجيات المغرب الداخلية.