شكون عينو فالقايدة حورية اللّي ولات نجمة فزمن "كورونا" واستغل تطبيقها للقانون باش يشوه سمعتها.. مقرب منها ل"كود": الحملة المسعورة عليها مغادي تحرّك والو غير يتهناو

[email protected]
هادي أيام وشي حملة مسعورة على القايدة حُورِيَة، قائد الملحقة الإدارية السابعة بمدينة آسفي، بسبب تطبيقها للقانون وتنزيله على أرض الواقع في ما يخلص ظاهرة احتلال الملك العمومي. كول واحد وباش اتهمها. كاين اللّي قاليك تعتدي على الناس في الحملات التي تباشرها وكاين اللّي قاليك أن كتغول.
منذ الأيام القليلة الماضية انتشر فيديو على صفحات فايسبوكية كيبان فيه شي حد طايح فالأرض وكيغوت حقاش القايدة حورية دارت خدمتها، وتعاملت مع ظاهرة احتلال الملك العام بكل صرامة وحزم. مرا عندها شخصية قوية وتعتبر نموذج لرجال السلطة فالمغرب اللّي تكرفصو بزايد فهاد الأزمة الصحية ومزال واقفين.
"كود" حصلت على تفاصيل هاد الحادث، حيث أكد مقرب من القايدة حورية ل"كود" أن السيدة كانت في حملة لإخلاء الشارع العام من الباعة الجائلين بسبب ما يشكلونه من خطورة في هذه الظرفية الاستثنائية التي تمر منها بلادنا بسبب تفشي فيروس "كورونا".
وأضاف المصدر: "عدد من البائعة الجائلين تفهمو كولشي وتعاملت معهم القايدة حورية بكلام زوين وطيب كما هو معروف عليها وخلاّ المغاربة تعزاز عليهم بزاف بسبب عفويتها في الحملات التحسيسية التي ظهرت فيها خلال فترة الحجر الصحي، لكن شي بائع حيح عليها، ومراتو عرضات القايدة حورية للعنف اللفظي".
داك الفيديو خلف ردود فعل مختلفة، وكاين اللّي تفاعل مع الحزم والصرامة التي تتعامل بها القايدة حورية، وكاين اللّي استغل داك الفيديو اللّي بان فيه شي حد كيغوت باش يسيء للقايدة لسبب واحد هو أنها دارت خدمتها.
وأكد المصدر نفسه أن تم استغلال هاد الحادث للمس بسمعة القايدة حورية الطيبة، والتي لمسها المغاربة طيلة فترة الحجر الصحي، مؤكدا أن هاد الحملة المغرضة اللّي دايرين شي وحدين عليها لم تعطي أكلها حقاش كولشي عارف القايدة حورية مزيان.