كيفاش بنشرقي اللي مبحوث عليه وعندو شيكات بدون رصيد ب8.5 مليار دخل المغرب وكيدور بحرية وشي وحدين على الفين درهم كيتشدو. شكون اللي كيحميه وعلاش القضاء ساكت =ها لائحة اللي كيتسالوه

قضية الملياردير الجديد احمد الطرومباطي ولد لقصر لكبير مع سعيد بنشرقي مول "بروديك السابق قبل ما تولي فملكية هاد الملياردير٬ فيها امور كثيرة مثيرة وبزاف.
كتبنا على المليادرير ولد لقصر لكبير. دابا اجيو نشوفو قضية بنشرقي. كنا فكود هادي 4 سنين كتبنا باللي خرج من المغرب فظروف غامضة ومثيرة. علاش خرجوه قبل ما تباع الشركة وتنوض هاد لقيامة اليوم٬ حقاش مبحوث عليه فقضية اصدار شيكات بدون رصيد قيمتها سمعو مزيان: 8.5 مليار وهاد الشي كان دارو قاضي التحقيق بعين السبع فكازا.
دابا بشرقي رجع لكازا. عايش حياتو عادية. كيتحرك بحرية. قدام كلشي واخا مازال مبحوث عليه. اولا كيفاش دخل للمغرب. خاص بحث كبير على هاد القضية. واش خلص كاع صحاب الشيكات. ولا عندو اللي كيحميه وكبار بزاف فالبلاد.
منتج على جوج دريال نزل لاكادير شدوه ودوز ليلة فالكوميسارية قبل ما يحل مشكلتو وادى قيمة الشيك. غير على فلوس قليلة. بعض المرات قل من 5 الاف درهم كيعطيو شيك بدون رصيد كيطيرو عليهم وهادا راه 8.5 مليار وهادو فلوس شركات واشخاص. "كود" تنشر لائحة اللي كيتسالوه
هو كيتهم ومن حقو يقدم شكاية٬ باللي نصبو عليه فالفيلا ولكن علاش ينصب على ناس كثار. علاش ولد لفشوش ممنوع العدالة تقدر منو ولا تشدو.
خاص تحقيق فهاد الملف وطبعا راه الفرقة الوطنية متبعة تحقيقاتها مع الطرومباطي باشراف القضاء.