حيد ليهم البزولة. منتخبون ناضو لعامل النواصر بسبقاب شركة التنمية المحلية

تقليلة وبلوكاج فاقليم النواصر ضواحي كازا. نايضة بين المنتخبين وبين العامل عبد الله شاطر. هاد المدير السابق للمركز الجهوي للاستثمار كيتاهموه المنتخبين باللي جمد كاع المشاريع اللي سبق وتصادق عليها
مصدر من ولاية كازا ل"كود" كيقول باللي العامل كيمارس اختصاصاتو لا اقل ولا اكثر. لكن مصادر من الجماعات ل"كود"، كتقول باللي المجالس المنتخبة لجماعات دار بوعزة ، النواصر ، بوسكورة ، أولاد صالح ، ولاد عزوز ، إضافة إلى المجلس الاقليمي للنواصر
أصبحت ملزمة هذه الايام بتخصيص مبلغ 200 سنتيم من ميزانية كل مجلس ،من أجل تحقيق طموح للسيد العامل الجديد يتمثل في احداث شركة للتنمية المحلية سيُعهد إليها بتدبير وإنجاز المشاريع التي سبق أن صادقت عليها المجالس المنتخبة .
مصدر "كود" من الولاية كيقول باللي انشاء شركات التنمية راه قانوني. مصدر ثالث هدر على بزولة مشات للمنتخبين وناضو بغاو يديرو لبلوكاج. طبعا كاين بعض رؤساء جماعات من اللي مذكورة سابقا بلاصتهم المحاكمة على كيفاش ولاو ملايرية ماشي تسيير هاد الجماعات. على عينك يا من عدي ولاو ملايرية بزاف بزاف ومازال مخرجين العينين