تسجلات اليوم 2553 إصابة جديدة بكورونا فالمغرب، وهكذا وصل الإجمالي ل137248، بمعدل إصابة د378 لكل 100 ألف نسمة، و7 لكل 100 ألف نسمة فهذ 24 ساعة. وحسب نشرة كوفيد19 اليومية اللي علنات عليها وزارة الصحة، اليوم الثلاثاء، ماتو هذ النهار 41 شخص، وبلغ الإجمالي 2410، بنسبة فتك ديال 1,8 فالمية. وبراو اليوم 2018 واحد، ووصل المجموع ل115354، بنسبة تعافي د84 فالمية. وعدد الحالات النشيطة طلع ل 19484، أي بمعدل 53,7 لكل 100 ألف نسمة. وكاينة 434 حالة حرجة فالإنعاش، منها 37 تحت التنفس الاصطناعي الاختراقي. واليوم تستبعدات 19422 حالة، ووصل مجموع الحالات السلبية 2616634. وكتتوزع الإصابات والوفيات الجديدة على الجهات والأقاليم كما يلي:
