اللي عندو عندو. منصف السلاوي دغيا دبر على راسو: بدا كمدير علمي فشركة أوروبية جديدة

تم تعيين منصف السلاوي، المدير السابق للبحث والتطوير فقسم اللقاحات فشركة GlaxoSmithKline، والمستشار الرئيسي السابق لبرنامج التطعيم الأمريكي الحكومي، مدير علمي فشركة Centessa الاوروبية، وهي شركة خاصة كتجمع بين شركات التكنولوجيا الحيوية الصغيرة.
هذ الشركة اللي ولا السلاوي مسؤول فيها كتكون من 10 شركات تكنولوجية حيوية مدعومة من شركة رأس المال الاستثماري الأوروبية Medicxi، وتم الكشف عنها يوم الثلاثاء، 16 فبراير.
وقال سوراب ساها، الرئيس التنفيذي للشركة، أنه باغي يزيد شركات خرى ديال التكنولوجيا الحيوية.
واللونسمون ديال Centessa كان ومازال الهدف ديالو هو زيادة اهتمام المستثمرين بالعلوم الطبية مللي بدا وباء فيروس كورونا المستجد، وكتهدف الشركة كذلك لتسريع تطوير دوايات جداد، المتعلقة بأمراض بحال السرطان وضغط الدم.
والسلاوي كذلك هو شريك فMedixci اللي ولات دابا حاطة الاسهم ديالها فCentessa، ودابا عندها ربعة دالمنتوجات من التجارب السريرية، بحلا دوا مرض الكلاوي اللي فالمرحلة الثالثة ودوا السرطان اللي فالمرحلة 2/3.
والسلاوي بعدما حصل على هذ المنصب قسّم الشركة لوحدات، وهذشي حفز الناس على الحرية والأداء الجيد.
https://www.ft.com/content/6bcaf6a5-0885-45b3-a072-ece573af65e3