البكوري هو اللي مغضوب عليه وممنوع يخرج على المغرب

اللي تمنع البارح الإثنين باش يخرج من المغرب عبر مطار محمد الخامس وكان غادي لدبي هو الأمين العام السابق لحزب الاصالة والمعاصرة مصطفى بكوري وفق مصادر "كَود".
جريدة "هسبريس" كانت سباقة لنشر الخبر وقالت باللي الامر يتعلق بامين عام سابق و وضحات باللي هاد الشي عندو علاقة بشي أمر قضائي صادر ضدو.
وأشار المصدر نفسه أن المعني كان غادي يمشي لدبي الإماراتية ووقفوه البوليس فالمطار بسبب أمر قضائي صادر فحقو بسبب اختلالات تدبيرية في مؤسسة عمومية كبيرة يوجد على رأسها في اشارة الى "مازن" مدير الوكالة المغربية للطاقة الشمسية.
وفق مصادر "كَود" هاد الشي عند علاقة بغضبة كبيرة من الملك عليه على الارقام اللي قدم ليه والوعود اللي قالها ليه بخصوص الطاقة الشمسية
هاد الشي طبعا تمهيد لاقالتو.
البكوري بعد الغضبة غبر ايام على مازن قبل ما يرجع ليها ولكن اصابته بكورونا ضعفاتو بزاف بزاف. هاد اخبار غادي يهلكو.
دابا كيفاش غاديين يديرو مع جهة الدار البيضاء اللي يرأسها.