مضيان: اللي كايتكيف عمرو يدير جريمة كايمشي ينعس ويتكمش.. وكيفاش نمنعوه وحنا كنزرعو الكرموس والداليا ونستخرجو منهم الماحيا

دافع نور الدين مضيان، رئيس الفريق الاستقلالي للوحدة والتعادلية، بقوة على مشروع تقنين الكيف والاستعمالات المشروع لزراعته اللي جابتو الداخلية.
وقال مضيان خلال المناقشة العام لمشروع قانون 13.21 يتعلق بالاستعمالات المشروعة للقنب الهندي، بلجنة الداخلية بمجلس النواب، قبل قليل، :"بغينا نشوفو المزارعين يزرعو الكيف براسهم مرفوع، والكيف فيها منافع كثيرة"، مضيفا :"حنا خلينا الكيف فقط للمداهمات والتوقيفات".
وتابع المتحدث :"الكيف هو الذهب الأخضر إذا حسن استعماله"، مضيفا :"علاش نمنعو الكيف ونخليو زراعة الكرموس والدالية والشعير من اجل انتاج المشروبات الكحولية والماحيا".
وشدد مضيان بالقول :"بغينا نديرو التصنيع الايجابي"، مضيفا :"ناس خلاو الحشيش للاستعمالات الترفيهية لجلب السياح".
وقال مضيان :"السياح فالسبعينات كيجيو للحسيمة على ود الكيف وملي خرج ظهير 74 السياح قلبو ومشاو للبنان والدانمارك".
وزاد بالقول :"لي كايتكيف عمرو كيدير جريمة، كايمشي ينعس ويتكمش، ماشي فحال الهروين والمخدرات القوية اللي كاتسبب المشاكل".