ضربة كبيرة للبي جي دي فطنجة. بسباب التخلويض فاختيار المرشحين اشهر البنكيرانيين استاقل من الحزب

علمت "كود" ان محمد افقير رئيس مقاطعة طنجة المدينة واحد وجوه حزب العدالة والتنمية فالمدينة قد قدم استقالتو البارح الثلاث 27 يوليوز 2021 استقالتو من الحزب.
ووفق مصدر ل"كود" فقد برر الاستقالة من الحزب بسباب "التخلويض" و"التكوليس" اللي كيقودوه ناس الحزب فالجهة خاصة الجيل الجديد فقد قرر الابتعاد عن السياسة نهائيا وتطليق المصباح
المعني بالامر ما عجبوش اش كيدار وقال لصحابو باللي ايلى هاد الجيل الجديد كيدير التكوليس الله يعاونهم توضح مصادر "كود".
هاد السياسي من اكثر البنكيرانيين فالحزب. كيعرفو من 1973 وقرا معاه فالمدرسة المحمدية واحد اصدقاء رئيس الحكومة السابق وبقى وفي ليه.
بنكيران كيكن ليه معزة خاصة وبقى فيه الحال باش الحزب يضيع امثالو.