"إيزي جيت" غادي تطلق رحلات جديدة من هولندا للمغرب فأكتوبر الجاي

قريب تلونصي شركة الطيران البريطانية "إيزي جيت" خدمة جديدة من هولندا للمغرب، ابتداء من أكتوبر الجاي.
وهذ الساعة، الشركة الهولندية دايرة رحلات من وإلى 3 مدن هي اكَادير والصويرة وطنجة.
وحسب "إير جورنال"، غادي تلونصي الشركة ربعة ديال الرحلات فالسيمانة، بين أمستردام-شيفول ومطار مراكش-المنارة، للفترة ما بين 31 أكتوبر 2021 و25 مارس 2022.
وغتنطلق الطائرة من أمستردام أيام الإثنين والخميس والجمعة والأحد مع 8:15 ديال الصباح وتنزل مع 12:20 فالمغرب بالتوقيت المحلي.
وفالرجوع غتخرج من المغرب مع 13:10 وتوصل مع 17:05.
ودايرة الشركة ضمان المرونة بالنسبة لزبناءها، بحيث كيمكنهم تغيير ليبيي بلا تكلفة إضافية ساعتين قبل المغادرة بالنسبة لجميع الرحلات.
والرحلات للمغرب من هولندا ديال هذ الشركة غتامنهم طيارة "إيرباص".
https://www.air-journal.fr/2021-09-01-easyjet-ouvre-un-amsterdam-marrakech-5230169.html