روينة فالتحالف الثلاثي بالرباط..سيناريو فشل انتخاب عمدة الرباط غايتعاود اليوم فالمجلس الاقليمي والاغلبية مشتتة

علمت "كود" أن أحزاب التحالف الثلاثي (الأحرار، الاستقلال والبام) فشل في التوافق على مرشح لرئاسة عمدة العاصمة، بسبب تمرد منتخبي هذه الأحزاب ورفضهم طريقة تقسيم "كعكة" الرئاسيات في مجالس المقاطعات والجماعة والعمالة.
ولحدود كتابة هذه الأسطر، فإن سعيد بنمبارك، المنسق الجهوي لحزب التجمع الوطني للأحرار، فشل مرة أخرى، في تدبير التوافقات في انتخاب أعضاء مجلس العمالة (المجلس الاقليمي)، حيث رفض عدد من المنتخبين دعم عبد العزيز الدرويش، مرشح لائحة التحالف الثلاث.
السيناريو ديال انتخاب عمدة الرباط غادي يتكرر اليوم مع انتخاب المجلس الاقليمي، تمرد جماعي للمستشارين، وتحالف الداعمين ل"لشكر" ضدا على التحالف الثلاثي.
وعلمت "كود" الأحزاب ديال التحالف مشتتة، وكلهم منقسمين، ولائحة الدريوش متقدرش تجيب اغلبية، اذن غاتولي ازمة داخل هاد التحالف.
مجلس العمالة يتكون من 21 عضو، غادي يتم انتخابهم من اعضاء مستشاري الجماعة اللي طلعو فهاد الانتخابات واللي عددهم 81 عضو.
هاد روينة بسبب فشل التوافقات اللي دار بنمبارك مع خديجة الزومي والمهدي بنسعيد ديال البام، هاد ثلاثة فشلو يديرو تحالفات. بسبب تحكم ديالهم فتوزيع الرئاسيات ديال المقاطعات.
الغريب فالأمر أن البعض كانو كايديرو العنف والبلطجة فمجلس الجماعة السابق، وجوههم ماشي ديال رئاسة المقاطعات، هادو باغين يشدو الرئاسة ديال عدد من المقاطعات واخا عندهم الوسخ ف تاريخهم وعندهم احكام قضائية، وكاين اللي مورط فملفات فساد. التحالف ديال بنمبارك والزومي المهدي بنسعيد، باغين يعطيهم الرئاسات. شوهة وصافي للعاصمة الادارية للمملكة.