بداية قوية لحكومة أخنوش.. اليوم صادقو على خلق 250 ألف فرصة شغل

اجتماع المجلس الحكومي اليوم الخميس، كان بطعم خاص، حيث صادقت الحكومة على مشروع يهم خلق 250 الف فرصة عمل.
وأوضح يونس السكوري، وزير الادماج الاقتصادي والمقاولة الصغرى والشغل والكفاءات، قبل قليل في ندوة المجلس الحكومي المنعقد صباح اليوم، أن "ظروف الجائحة وفقدان عدد من المواطنين وعاشو ظروف صعبة، فرض علينا اليوم منتسناوش حتى تمشي الأزمة، لذلك درنا هاد الورش لي كيهم خلق 250 الف فرصة شغل مؤقتة".
هاد البرنامج لي صادقات عليه الحكومة موجه لناس لي معندهمش فرصة عمل، بقيمة 2.25 مليار درهم، وغايكون هاد فرص الشغل محلية وجهوية.
البرنامج غايكون مؤقتا حتى يتحسن الاقتصاد الوطني ويتعافا من الأزمة ديال كورونا.
الوزير السكوري هضر بلغة الخشب بزاف فندوة المجلس الحكومي، بلاصت ما يعطي أرقام والاوراش كيعاود على انشطتو وبأنه غايمشي ليوم لكازا وداير حملة لراسو.