مزال زمان السبايا و الجواري ماسالاش.. مجرم باع 120 مرا بعدما نصب عليهم ووهمهوم بالزواج

شدو عناصر تابعة لحركة طالبان، اللي مسيطرة ف أفغانستان، (شدو) مجرم باع أكثر من 100 مرا، تحديدا 130، في شمال البلاد، بعدما نصب عليهم وقال ليهم غادي يزوجهم برجال لاباس عليهم اللي غادي "يعتقوهم من الفقر".
البوليس قالو أن الرجل كان كيمشي يستهدف العيالات والبنات اللي مافحالهمش، واللي باغيات يحسنو من مستوى عيشهم، و كان كيستغل هاد الوضع الكارثي و الميزيرية اللي كيعانيو منها العيالات خصوصا فهاد البلاد.
هاد المجرم كان كيوعدهم بأنه غادي يلقى ليهم الراجل المناسب وكيصيفطهم لواحد البلاصة ويبيعهم كسبايا ويعيشوهم فالويل و القهرة محبوسات.